ҚР-да жеңілдетілген несие беру қалай кеңейтіледі

Қайырлы күн, құрметті блог қонақтары!

«Бизнестің жол картасы 2025» және «қарапайым заттар экономикасы» бағдарламалары бойынша кәсіпкерлер үшін қарыз қаражатының түпкілікті құны қазір 6%-ды құрайды. «Бизнестің жол картасы-2025» бағдарламасында несие көлемі 7 млрд.теңгеге дейін ұлғайтылды. Субсидиялау мерзімі 5 жылды құрайды. «Қарапайым заттар экономикасы» бойынша несие сомасы шектелмейді. Ал субсидиялау мерзімі-10 жыл. Кепілдендіру құралы жақсартылды. «Бизнестің жол картасы 2025» бойынша кепілдіктер қарыз сомасының 85%-ын құрауы мүмкін. «Қарапайым заттар экономикасы» бойынша кепілдік кредит сомасының 50%-ын құрайды. «Бизнестің жол картасы 2025" бағдарламасында салалық шектеулер алып тасталды. Бұл шағын және орта бизнеске қызмет түріне қарамастан бағдарламаға қатысушы болып, жеңілдікті қаржыландыру алуға мүмкіндік береді. «Қарапайым заттар экономикасы» бағдарламасы бойынша тауарлар мен қызметтер тізімі айтарлықтай кеңейтілді. Осы бағдарлама бойынша ықтимал кредиттеудің жалпы көлемі 1 трлн. теңге. Сонымен қатар, Ұлттық банк салалық шектеулерсіз, оның ішінде жеке кәсіпкерлер үшін шағын және орта бизнесті жеңілдікпен кредиттеу бағдарламасын іске қосты. Несиелер айналым қаражатын толықтыруға 1 жылға 8%-бен беріледі. Бұл бағдарламаға 600 млрд.теңге бөлінді. Жалпы, несиелеуді арттыру үшін көптеген шектеулер алынып тасталды, тетіктер жеңілдетілді және сомалар ұлғайтылды. «Бизнестің жол картасы-2025» бағдарламасы аясында жаңа бағыт іске қосылады. Бұл микро және шағын кәсіпкерлікке шағын несие беру. Бизнестің осы санаты үшін субсидиялау есебінен кредиттер 6% мөлшерлеме бойынша қолжетімді болады. Несиелер айналым қаражатын толықтыруға 5 млн.теңгеге дейін, өндірістік қажеттіліктерге 20 млн. теңгеге дейін беріледі. Қызмет түрлері бойынша шектеулер болмайды.

• 21.11.2020
• 465