Бизнесті қолдау бойынша бірқатар ұсыныстар айтылды

Қайырлы күн, құрметті блог қонақтары!

ҚР Ұлттық экономика министрлігі Сенаттың қарауына «Салық және бюджетке төленетін басқа да міндетті төлемдер туралы» Қазақстан Республикасының кодексіне (Салық кодексі) және «салық және бюджетке төленетін басқа да міндетті төлемдер туралы» Қазақстан Республикасының Кодексін (Салық кодексі) қолданысқа енгізу туралы» Қазақстан Республикасының Заңына өзгерістер мен толықтырулар енгізу туралы» заң жобасын ұсынды. Заң жобасы инвестициялар тартуды ынталандыруға, бизнес-ортаны дамытуға, салықтық әкімшілендіруді жақсартуға бағытталған. Атап айтқанда, ол келесі негізгі бағыттарды қамтиды. Салық элементтерін өзгертпестен жеке тұлғалардан мүлік пен жер салығын біріктіру ұсынылады, екі салық бірыңғай төлеммен төленеді. Бұл ретте көп пәтерлі тұрғын үйлердің меншік иелері үшін жер салығын алып тастау ұсынылады. Салық төлеушілерге ыңғайлы болу мақсатында көлік салығын төлеу мерзімін ағымдағы жылдың 31 желтоқсанынан келесі жылдың 1 сәуіріне ауыстыру ұсынылады. Сонымен қатар, заң жобасында инвестициялық салық несиесін енгізу ұсынылады. Несие КТС және мүлік салығы бойынша 3 жылға беріледі. Ол пайызсыз болады, бірақ шарттар орындалмаған жағдайда өсімпұл есептеледі. Мақта өңдеуге, ашытқы, кондитерлік өнімдер, қант қызылшасынан қант өндіруге есептелген ҚҚС сомасын 70%-ға азайту жөніндегі норманы тарату ұсынылады. Бұл ауыл шаруашылығы өнімдерін қайта өңдеуді, отандық тауар өндірушілер өндірісінің көлемін ұлғайтуды ынталандыратын болады. Экспорт кезінде ҚҚС-ты қайтару рәсімін оңайлату мақсатында отандық өндірушілер үшін ҚҚС-ты оңайлатылған қайтаруды қолдану құқығын беру ұсынылады: тексерусіз 50% мөлшерінде, тексеруден кейін 50%. Сондай-ақ, заң жобасында көлік құралдары мен ауыл шаруашылығы техникасының компоненттерін өндіру үшін ҚҚС бойынша жеңілдіктерді тарату; тұрақты әлеуметтік маңызы бар автомобиль тасымалдары бойынша ҚҚС-тан 3 жылға босату; халықаралық су көлігіне жүкті ауыстырып тией отырып, теңіз портына дейін темір жол тасымалдарын тану және оларға ҚҚС-тың нөлдік мөлшерлемесін қолдану; радиожиілік спектрін пайдаланғаны үшін төлемақы мөлшерлемесін 5 жылға 10 есеге төмендету ұсынылады.

• 21.11.2020
• 357