Қилыбай Н.И.
Маңғыстау облысының әкімі
Нұрлан Ноғаев білім саласының ардагерлерімен кездесті
27 қыркүйек күні облыс әкімі Нұрлан Ноғаев ұстаздар мерекесі қарсаңында ардагер ұстаздармен кездесті.
Мерекелік шарада аймақ басшысы ардагер ұстаздарды төл мерекелерімен құттықтап, сый-сияпат табыстады.
- Ұстаз - ұлы тұлға. Кітаптағы қайнар бұлақты баланың бойына сіңіру - үлкен төзімділікті, шыдамдылықты талап етеді. Сіздер сол межені абыройлы атқара білдіңіздер. Бүгінде сіздер тәрбиелеген шәкірттер қазіргі таңда әр салада абыройлы қызмет атқарып жүр. Мемлекет басшысы Қасым-Жомарт Тоқаев отандық білім беру жүйесінің үздік үрдісін сақтай отырып, бір орында тұрып қалмай, әрдайым даму жолында болу керектігін атап өтті. Осы тұста бәсекеге қабілетті балаларды қалыптастыруда басты үміт мұғалімдерге артылады. Ұлағатты ұрпақ тәрбиелеу – аса жауапты әрі күрделі жұмыс. Сондықтан болашаққа жол сілтейтін мұғалімнің еңбегін лайықты бағалау – өте маңызды міндет. Ардақты ұстаздар, сіздерді кәсіби мерекелеріңізбен құттықтай отырып, отбасыларыңызға амандық, шаңырақтарыңызға бақ, береке тілеймін!,-деді Нұрлан Ноғаев.
Басқосуда ұлт тәрбиесі, ұстаз білім сапасын, ұстаздардың біліктілігін арттыру тақырыптары қозғалды.
Бүгінгі таңда облысымыздағы білім беру ұйымдарында 22 мыңнан астам педагог жұмыс жасайды. Оның ішінде 2400-і жас маман.
Былтырғы 2021-2022 оқу жылында облыста 229 мұғалім тапшылығы болды. Жүйелі жұмыстардың нәтижесінде 2022-2023 оқу жылында өңірге 25 мұғалім ғана жетіспейді.
- 28.09.2022
- 186
