Қарағанды облысында «Күміс жас» арнайы жобасы іске қосылды

Қазіргі уақытта зейнет жасы жақындаған адамдарға жұмыс табу оңай емес. Өкінішке қарай, кейбір кәсіпкерлер осы санаттағы адамдарды жұмысқа қабылдауға асықпайды. Бұл мәселені шешу үшін облысымызда «Күміс жас» арнайы жобасы іске қосылды.

Жобаның мақсаты зейнет жасына келіп қалған жұмыссыз тұрғындарды жұмысқа орналастыру. Бұл ретте мемлекет арнайы жоба шеңберінде азаматтарды жұмысқа қабылдаған кәсіпкерлерге жалақының белгіленген мөлшерінің 50% - ын субсидиялайды. Бүгінгі таңда 138 адам осы мүмкіндікті пайдаланды. Ал жыл соңына дейін тағы 300 адамды жұмыспен қамту жоспарда бар.

Жобаға қатысу үшін азаматтар тұрғылықты жері бойынша жұмыспен қамту орталықтарына жүгінулері қажет. Қазіргі уақытта аймағымызда 115 компанияның басшысы арнайы шарттар жасасып, азаматтарымызға бос жұмыс орындарын ұсынуға әзір.

Аймағымыздың кәсіпкерлерін осы арнайы жобаға белсенді қатысуға шақырамын. Бұл жоба біздің тұрғындардың әл-ауқатын арттыруға мүмкіндік береді.

• 29.09.2022
• 258