Қазақстан халқы Ассамблеясының Республикалық Аналар кеңесінің кеңейтілген отырысы өтті

2022 жылғы 6-7 қазанда Алматы қаласында ҚР Ақпарат және қоғамдық даму министрлігінің қолдауымен Қазақстан халқы Ассамблеясының Республикалық Аналар кеңесінің кеңейтілген отырысы өтті.

Іс-шараға Қазақстан халқы Ассамблеясының мүшелері, ҚР Парламенті Сенаты мен Мәжілісінің депутаттары, мемлекеттік органдардың, ҚХА өңірлік Аналар кеңесінің, этномәдени бірлестіктер мен үкіметтік емес ұйымдардың, сарапшылар қауымдастығының және БАҚ өкілдері қатысты.

Іс-шараның ашылу барысында ҚР Президенті Әкімшілігі Басшысының орынбасары А.Ғ. Балаеваның қоғам өмірінде үлкен әлеуметтік маңызы бар Аналар кеңесі ең белсенді және маңызды қоғамдық құрылымдардың бірі туралы баяндамасы оқылды.  

Форумның айрықша ерекшелігі оның «Мәдениетті ана – Мәдениетті ұлт» жобасының тұжырымдамасын іске асыру», «Ұлттық тәрбие – мемлекеттіліктің негізі», «Ұлттың болашағы – саналы ұрпақ», «Тәрбие жұмысы және белсенді қоғам» атты тақырыптық сессияларының әртүрлілігінде болды.

Сессия жұмысы барысында рухани-патриоттық тәрбиенің өзекті мәселелері, жеке тұлғаны қалыптастырудағы аға ұрпақтың рөлі, баланың тұлға ретінде қалыптасуындағы БАҚ рөлі, тиімді коммуникациялар қарастырылды.

Пленарлық отырыста Қазақстан халқы Ассамблеясы Төрағасының орынбасары М. Әзілханов болашақ ұрпақты тәрбиелеуде Аналар кеңісінің қоғамдағы маңызын айқындап,  «Мәдениетті ана – Мәдениетті ұлт» жобасын қорытындылады.

Нәтижесінде Аналар кеңесінің белсенді жобаларына және үздіктеріне арнайы марапаттар табысталды.

• 10.10.2022
• 234