Астанада Экономикалық ынтымақтастық жөніндегі Қазақстан-румын үкіметаралық комиссиясының 16-шы отырысы өтті

2022 жылғы 6-7 қазанда Астана қаласында Экономикалық ынтымақтастық жөніндегі Қазақстан-румын үкіметаралық комиссиясының 16-шы отырысы өтті.

Үкіметаралық комиссияның жұмысын Қазақстан тарапынан ҚР энергетика министрі Болат Ақшолақов, румын тарапынан – Румынияның Энергетика министрі Попеску Вирджил Даниел басқарды.

Отырыс барысында екіжақты ынтымақтастық мәселелері, соның ішінде энергетика, өнеркәсіп, көлік, ауыл шаруашылығы және мал шаруашылығы, білім және ғылым, банк қызметі, сондай-ақ екі елдің Сауда-өнеркәсіп палаталары арасындағы өзара іс-қимыл мәселелері талқыланды.

Болат Ақшолақов келіссөздер мен қол жеткізілген уағдаластықтар екі тарапты жақындастыруға, мәселелердің барлық спектрі бойынша өзара іс-қимылдың сапалы жаңа, неғұрлым жоғары деңгейімен сипатталатын тығыз серіктестік қарым-қатынастарды орнатуға маңызды қадам болып табылатынын атап өтті.

Іс-шараның қорытындылары бойынша одан әрі диалог пен өзара тиімді серіктестікке негіз болатын Қазақстан-румын үкіметаралық комиссиясының 16-шы отырысының хаттамасына қол қойылды.

• 10.10.2022
• 238