Қазақстанда Мұнай өнімдері базаларының өндірістік объектілерін есепке алатын бақылау аспаптарымен жарақтандыру қағидалары бекітілуде

Қазақстанда «Мұнай өнімдері базаларының өндірістік объектілерін есепке алатын бақылау аспаптарымен жарақтандыру қағидалары мен талаптарын бекіту туралы» бұйрықты (Қағидалар) қабылдау жоспарлануда.

2022 жылғы шілдеде елдің ішкі нарығында мұнай өнімдері қорларының автоматтандырылған мониторингін қамтамасыз ету мақсатында «Мұнай өнімдерінің жекелеген түрлерін өндіруді және олардың айналымын мемлекеттік реттеу туралы» ҚР Заңына мұнай өнімдері базаларының резервуарларын есепке алу аспаптарымен жарақтандыру міндеттілігі бойынша түзетулер енгізілген болатын.

Жоғарыда аталған норманы іске асыру мақсатында Министрлік мұнай өнімдері базаларының өндірістік объектілерін есепке алатын бақылау аспаптарымен жарақтандыру тәртібі мен талаптарын айқындайтын Қағидаларды әзірледі.

Мұнай өнімдері базаларының өндірістік объектілерін есепке алатын бақылау аспаптарымен жарақтандыру жергілікті автожанармай құю станцияларының атына мұнай базаларындағы жанар-жағармай материалдарын бөлу жөнінде шешімдер қабылдау құралы ретінде қызмет атқаратын болады, өйткені есепке алатын бақылау аспаптары арқылы нақты уақыт режимінде мұнай өнімдерінің көлемдеріне мониторинг жүзеге асырылады.

«Мұнай өнімдері базаларының өндірістік объектілерін есепке алатын бақылау аспаптарымен жарақтандыру қағидалары мен талаптарын бекіту туралы» бұйрық жобасы Қазақстан Республикасы Энергетика министрлігінің сайтында жарияланған (https://www.gov.kz/memleket/entities/energo/documents/details/352866?lang=kk), сондай-ақ 2022 жылғы 17 қазанға дейін онлайн-талқылау үшін Ашық НҚА порталында қолжетімді (https://legalacts.egov.kz/npa/view?id=14250316).

• 11.10.2022
• 270