ҚР Энергетика министрлігі Энергетикалық қадағалау комитетінің басшылығы Атырау облысының электр станцияларында болды

2022 жылғы 15 қазанда ҚР Энергетика министрлігі Атомдық және энергетикалық қадағалау мен бақылау комитетінің басшылығы «Karabatan Utility Solutions» ЖШС және «Атырау жылу электр орталығы» АҚ электр станцияларына барды.

Объекттерді аралау барысында алдағы жылыту кезеңіне дайындық аясында жөндеу жұмыстарының барысы тексерілді.

«Атырау жылу электр орталығы» АҚ - алдағы жылыту маусымына дайындық аясында күрделі жөндеу жұмыстары:

• қазандық агрегаттары - 3 бірлік – №2; №9, №11;

• турбоагрегаттар - 2 бірлік – №5, №9;

• ұзындығы 13,2 км құбыр учаскелерін ауыстыра отырып, қаланың және өнеркәсіптік аймақтың магистральдық жылу желілерінде жоспарланған болатын.

Қазіргі уақытта №2; №11 қазандық агрегаты мен №9 турбоагрегатқа жөндеу жұмыстары толық аяқталды.

«Атырау жылу электр орталығы» АҚ станциясында қазіргі уақытта №9 қазандық агрегаты мен №5 турбоагрегаттың жөндеу жұмыстары толық жүргізілуде. Жұмыстар жұмыс жоспарына сәйкес және кестеге сәйкес жүргізілуде, жұмыстарды аяқтаудың жоспарланған мерзімі 2022 жылғы 12 желтоқсан.

Жалпы, энергетикалық кәсіпорындарды алдағы жылыту маусымына тиісті сапамен дайындау Қазақстан Республикасы Энергетика министрлігінің Атомдық және энергетикалық қадағалау мен бақылау комитетінің тұрақты бақылауында. 

• 15.10.2022
• 255