Ақмола облысында темірбетон бұйымдарын шығаратын зауыт ашылды

Бүгін Республика күні қарсаңында Аршалы ауданында темірбетон бұйымдарын шығаратын «SG Beton» зауыты ашылды. Жаңа кәсіпорын жол плиталарын, баспалдақтарды, темірбетон линтельдерін, панельдік едендерді және іргетас блоктарын шығарумен айналысады. Оның ішінде жылына 456 600 қума метр өткір мұрынды қадаларды шығару жоспарлануда, ал бұл тәулік бойы 2 шақырым қадаларды, сондай – ақ жылына 650 000 шаршы метр көп қуысты плиталар шығарылады.

Зауыт өнімі өңірдің ғана емес, Астананың да құрылыс нысандары арасында сұранысқа ие болады. Зауыт 240 адамды жұмыспен қамтамасыз етеді. Ашылу салтанатына Ақмола облысының әкімі Ермек Маржықпаев қатысты. Құттықтау сөзінде өңір басшысы жобаны іске асырудың ішкі құрылыс нарығын қанықтыру, импортты алмастыру үшін маңыздылығын атап өтті.

Жобаның бастамашысы және авторы «G-PARK» ЖШС құрылыс компаниялары тобының бас директоры Ғабит Сатмағамбетов болып табылады. Айта кетейік, бұл «G-Park» компаниясының биылғы жылы индустрияландырудың бірыңғай картасы аясында жүзеге асырылған екінші ірі жобасы. Айта кетейік, өңірде құрылыс индустриясы саласында 100-ден астам кәсіпорын жұмыс істейді. Өңірдің құрылыс индустриясының кәсіпорындары цемент, кірпіш, минералды жүн плиталарын, Пластмассадан жасалған құбырларды, темірбетон бұйымдарын өндіруді жүзеге асырады, сондай-ақ қиыршық тас құм өндіруді жүргізеді.

• 17.10.2022
• 217