Қазақстан мен Түркіменстан ІІМ қылмысқа қарсы күрес саласында меморандумға қол қойды

Елдеріміз арасындағы серіктестіктің жоғары деңгейін атап өткім келеді. Барлық бағыттар бойынша біз толық түсіністік табамыз. Қазақстан мен Түркіменстанның ішкі істер органдары арасында ынтымақтастық жолға қойылған. Ол үшін бізде жеткілікті құқықтық база бар. Іздестіру жұмысы саласында өзара іс-қимыл қамтамасыз етіледі. Биыл Қазақстанда Түркіменстанның сұрауы бойынша алты қылмыскер іздестірілді.

Өз кезегінде Мұхаммет Хыдыров Түркіменстан екі елдің ішкі істер органдарының өзара іс-қимылын нығайтуға және дамытуға ниетті екенін атап өтті. Кездесу барысында тараптар қылмыстың алдын алу, оған қарсы күрес және құқықтық тәртіпті қорғау саласындағы Меморандумға қол қойды.
Сонымен қатар, Түркіменстан ІІМ делегациясы сапар барысында қазақстандық полицияның қылмыстың алдын алуға және аса осал бағыттар бойынша нүктелік профилактика жүргізуге мүмкіндік беретін жаңа талдау жүйесімен танысты. Елордалық полиция департаментінің жедел басқару орталығында қонақтарға "102" және "дабыл түймелері" қосымшасының жұмысы көрсетілді.

• 18.10.2022
• 237