Маңғыстауда Құтқарушылар күні салтанатты түрде аталынып өтті

19 қазан күні Маңғыстау облысының әкімі Нұрлан Ноғаевтың қатысуымен құтқарушылар мерекесіне арналған салтанатты шара болды, деп хабарлайды Маңғыстау облысы әкімінің баспасөз қызметі.

Шараға ТЖД қызметкерлері, қызметтік борышын өтеу кезінде қаза тапқандардың туыстары, осы саланың ардагерлері қатысты.

Аймақ басшысы Нұрлан Ноғаев құтқарушылар күнін атап өтудің маңыздылығы мен мәніне тоқталды.

- Төтенше жағдай қызметінің құрметті қызметкерлері! Маңғыстау облысы Төтенше жағдайлар департаментінің жеке құрамын, азаматтық қорғау жүйесінің ардагерлерін шын жүректен бүгінгі мерекемен құттықтаймын. Облыстық Төтенше жағдайлар департаменті құтқарушыларының күн сайынғы, әр сағатта атқаратын істерінің маңыздылығы мен мәнділігін мақтанышпен айтуға болады. Сіздердің күн сайынғы тынымсыз еңбектеріңіздің арқасында қоғамда тыныштық пен қауіпсіздік орнығады. Сіздер мамандықты сүю мен оған деген адалдықтың шынайы үлгісін қоғамға танытып келе жатырған жансыздар. Мемлекет басшысы Қасым-Жомарт Тоқаевтың осыдан екі жыл бұрынғы жарлығымен Қазақстанда Төтенше жағдайлар министрлігі қайта құрылған болатын. Бұл осы саланың аса бағалы әрі қажетті екенінің тағы бір дәлелі. Елге деген қызметтеріңізде табандылық тілеймін. Сіздерге халықтың қауіпсіздігін қамтамасыз ету ісіне қосқан жанқиярлық еңбектеріңіз үшін тағы да алғыс білдіремін, - деді Нұрлан Ноғаев.

• 19.10.2022
• 266