«Даму» кәсіпкерлікті дамыту қоры» АҚ жалпыреспубликалық «Ашық есік күнін» өткізді

9 қыркүйекте «Даму» кәсіпкерлікті дамыту қоры» АҚ жалпыреспубликалық «Ашық есік күнін» өткізді. Бұл күні келушілер Қор қызметі, бизнесті қолдау мен дамытуға арналған мемлекеттік саясат шараларымен таныса алды.

«Бәйтерек «ҰБХ» АҚ еншілес ұйымы – «Даму» кәсіпкерлікті дамыту қорының құрылғанына биыл 25 жыл толды. Қаржы институты Қазақстандағы микро, шағын және орта бизнесті (ШОБ) қолдайды.

Алматы қалалық филиалында «Даму» Қорының басшылары жұртшылықпен кездесіп, Қор жұмысының негізгі көрсеткіштері, қаржыландыратын салалар мен мемлекеттік қолдау шаралары туралы айтып, сұрақтарға жауап береді.

Қор ҚР Үкіметінің қаржы агенті ретінде бизнесті мемлекеттік қолдау бағдарламаларын жүзеге асырады. Бұл бағдарламалар кәсіпкерлердің қажеттіліктерін және мемлекеттік бағдарламалардың ел экономикасына әсерін талдау негізінде әзірленген. Қордың қызметі елдегі ШОБ-тың дамуына және оның ЖІӨ-дегі үлесінің артуына ықпал етеді. Ресми деректерге сүйенсек, 2011 жылдан бастап шағын және орта кәсіпкерліктің ЖІӨ-дегі жалпы үлесі 17,3%-дан 33,3%-ға дейін өскен. «Қазақстандағы шағын және орта кәсіпкерлікті дамытудың 2030 жылға дейінгі жаңа тұжырымдамасы» бойынша мемлекеттің стратегиялық мақсаты – ЖІӨ-дегі ШОК үлесін 40%-ға дейін арттыру.

25 жыл ішінде Қор жалпы сомасы 9,6 трлн теңге болатын 163 мыңнан астам жобаны қолдады. Кәсіпкерлерді қолдаудың негізгі құралдары – сыйақы мөлшерлемесін субсидиялау, несиеге кепілдік беру, банктер, микроқаржы ұйымдары және лизингтік компаниялар арқылы жеңіл несие беру, сондай-ақ кәсіпкерлерге кеңес, сүйемел көмек көрсету.

Биыл Қор алғаш рет кәсіпкерлерді несиелеу үшін қаржы ұйымдарына шарттасып қаржы салатын өңірлік бағдарламасына факторинг механизмін енгізді. Осының арқасында кәсіпкерлерде факторингтік мәмілелерді МҚҰ және лизингтік компаниялар арқылы да жасау мүмкіндігі пайда болды. Қазір бұл қызметтер цифрландырылып жатыр. Сонымен қатар, экономиканы қаржыландыру үшін «Даму» Қоры тиімді шарттармен қосымша қаражат та тартады. Бұған дейін Қор жалпы сомасы млрд теңгеден асатын «жасыл» және әлеуметтік облигацияларды табысты шығарған болатын. Бұл қаражат ШОБ субъектілерін одан әрі несиелеу үшін ЕДБ-ге, МҚҰ-ға салынды.

• 20.10.2022
• 306