ТМРК «ҚТЖ-Жүк тасымалы» ЖШС бағасының жобасын 14,7%-ға дейін төмендетті

Белгілі болғандай, ағымдағы жылдың тамыз айының соңында «ҚТЖ-Жүк тасымалы» ЖШС ҚР ҰЭМ Табиғи монополияларды реттеу комитетінің атына ағымдағы жылдың 1 қазанынан бастап локомотивтік тартым бөлігінде теміржол көлігімен жүктерді тасымалдау қызметтеріне бағаның алдағы уақытта бұрын келісілген шекті бағадан (2020 жылғы 30 желтоқсан) орта есеппен 40%-ға көтерілуі туралы ақпаратты жолдады.

Баға соңғы 2 жылда өспегенін, сондай-ақ 2020 жылдың соңында баға тіпті 6%-ға төмендегенін естеріңізге сала кетеміз.

«ҚТЖ-Жүк тасымалы» ЖШС бағаның өсуінің негізгі себептері отын, электр энергиясы және жалақы бағасының өсуі деп атады.

Осылайша, ағымдағы жылдың 9 қыркүйегінде мәлімделген жоба жария тыңдауда талқыланды, оған индустрия және инфрақұрылымдық даму министрлігінің, «Атамекен» ҰКП, қауымдастықтардың, бұқаралық ақпарат құралдарының өкілдері, сондай-ақ «ҚТЖ-Жүк тасымалы» ЖШС тұтынушылары қатысты.

ТМРК өз кезегінде қоғамдық тыңдауға қатысушылардың пікірлерін ескерді.

Ақпаратты мұқият қарау нәтижелері бойынша ТМРК барлық негіздеуші материалдарды (құжаттарды) талдай отырып, мәлімделген өсімді 40%-дан 14,67%-ға дейін төмендетті, бұл инфляция деңгейінен төмен (2022 жылғы қыркүйектегі жағдай бойынша).

Келісілген баға негізделген, бұл кәсіпорынның тиімді жұмыс істеуін қамтамасыз етеді.

• 20.10.2022
• 248