ҚР Ақпарат және қоғамдық даму министрлігі Этносаралық қатынастарды дамыту комитетінің төрағасы Шығыс Қазақстан облысының этномәдени бірлестіктерімен, қоғам қайраткерлерімен, ҚХА мүшелерімен, «Ассамблея жастары» өкілдерімен кездесті

2022 жылғы 20 қазанда Шығыс Қазақстан облысының Достық үйінде, Достық үйінің 30 жылдығы аясында ҚР Ақпарат және қоғамдық даму министрлігі Этносаралық қатынастарды дамыту комитетінің төрағасы Ғалым Шойкиннің Шығыс Қазақстан облысының қоғам қайраткерлерімен, этномәдени бірлестіктердің өкілдерімен, ҚХА мүшелерімен, «Ассамблея жастары» қоғамдық бірлестігінің мүшелерімен кездесуі өтті.

Кездесу барысында этносаралық саланың өзекті мәселелері, оның ішінде этникалық және тілдік қатыстылығына қарамастан азаматтардың құқықтарын қамтамасыз ету, қоғамдағы толерантты қатынастарды дамыту, қазақстандық бірегейлікті қалыптастыру және халық бірлігін қамтамасыз ету мәселелері талқыланды.

Ғ. Шойкин Қазақстан халқы Ассамблеясын дамытудың 2022-2026 жылдарға арналған тұжырымдамасын іске асырудың негізгі бағыттарын түсіндірді, этносаралық тұрақтылыққа әсер етуі мүмкін жағымсыз үрдістердің алдын алу, этникалық белгісі бойынша ар-намыс пен қадір-қасиетті қорлаудың кез келген нысандарына жол бермеу, этномәдени бірлестіктердің БАҚ-пен және үкіметтік емес ұйымдармен белсенді өзара іс-қимылының қажеттілігі, ақпараттық ашықтық, сондай-ақ тұрғындар арасында түсіндіру жұмыстарын күшейту қажеттілігі туралы атап өтті.

Сондай-ақ, жұмыс сапары аясында Ғ. Шойкин әкімдердің, әкім орынбасарларының, ішкі саясат бөлімі басшыларының, жергілікті жерлерде этносаралық қатынастар саласындағы нығайту мәселелерімен айналысатын мамандардың қатысуымен этносаралық саладағы мемлекеттік саясатты іске асыру мәселелері бойынша кеңес өткізді, ал күн соңында облыстық «Altai» телеарнасының «Арнайы сұхбат» бағдарламасында әңгіме өрбітті.

• 21.10.2022
• 258