Облыс орталығының құрылыс алаңдарындағы жұмыстарға қысқаша шолу

Майқұдық саябағында қайта құру жұмыстары аяқталуда. Мұнда ротондасы бар субұрқақ, спорт және ойын алаңдары, велосипед және жүгіру жолдары мен серуендеу аймағы, сондай-ақ иттерді серуендетуге арналған алаң орнатылды.

Мердігер компания барлық жұмыстарды қараша айының ортасына дейін аяқтауды жоспарлап отыр.

Әлихан Бөкейхан ауданында бүгінгі таңда бюджет қаражаты мен жеке инвестициялар есебінен құрылыс жұмыстары белсенді жүргізілуде.

«Нұрлы Жер» бағдарламасы аясында 14-ші шағын ауданда үш 5 қабатты 180 пәтерлі несиелік үйдің құрылысы жүргізілуде. Сондай-ақ, Белинский көшесінде 9 қабатты 72 пәтерлі жалға берілетін тұрғын үй салынуда.

Бұған қоса, жеке инвестициялар есебінен ағымдағы жылы 16 қабатты «Кәусар» тұрғын үй кешені пайдалануға берілді.

Биыл Майқұдық, Пришахтинск және Сұрыптау аудандарында 36 балалар ойын алаңы және жасанды көгалы бар 6 футбол алаңы салынып, 12 аула аумағы абаттандырылды.

Сондай-ақ үшінші жылу құбырының құрылыс жұмыстарының барысын тексердім. Бұл жоба облыс орталығындағы жылу қуатының мәселесін шешуге, сондай-ақ Оңтүстік-Шығыстағы жаңа ғимараттарды жылумен қамтамасыз етуге жағдай туғызады. Биылғы жылы 3-ЖЭО-дан құбыр жүргізу жұмыстарын одан әрі жалғастырдық.

Сондай-ақ мердігерлер жоспарланған 4 сорғы станциясын толығымен салып бітіруге уәде беріп отыр.

• 21.10.2022
• 293