Қазақстан халқы Ассамблеясының «Бірлік» халықаралық жастар лагері өтті

2022 жылдың 19-21 қазан аралығында Қостанай облысы Атынсарин ауданында ҚР Ақпарат және қоғамдық даму министрлігінің қолдауымен Республика күніне орай «Бірлік» халықаралық жастар лагері өтті.

Лагерь еліміздің барлық өңірлерінен келген белсенді, талантты жастарды – республикалық және халықаралық жастар ұйымдарының, этномәдени бірлестіктердің белсенді өкілдерін, «Ассамблея жастары» РҚБ өңірлік штабтарының жетекшілері мен мүшелерін, Әулиекөл ауданындағы өрт кезінде көмектескен еріктілерді, ауыл жастарын, сондай-ақ, Өзбекстан мен Қырғызстан жастарын біріктірді.

Жобаның мақсаты – жастардың бойына патриоттық сезімді арттыру, Қазақстан халқы Ассамблеясының басты қағидаттары арқылы жастарды біріктіруге негізделген халықаралық жастар қауымдастығын құру және халықаралық достық байланыстарын нығайту.

Лагерь бағдарламасы аясында күнделікті өмірде және әлеуметтік желілерде этносаралық шиеленістің алдын алу мәселелері бойынша тренингтер, қазақ тілінің рөліне арналған квест ойындары, бірлік құндылықтарын түсіндіру және тұлғааралық қарым-қатынасты орнату, еріктілік пен кәсіпкерлікті ұштастыру мәселелері бойынша тренингтер өткізілді.

Жобадағы маңызды іс-шаралдың бірі ретінде еріктілер акциясын айтуға болды. Акция аясында жастар Әулиекөл ауданының орман алқабын қалпына келтіруге өз үлестерін қосып, 100-ден астам қылқан жапырақты көшет отырғызды.

Сондай-ақ, Лагерь қатысушылары үшін спорттық ұлттық және мәдени-бұқаралық іс-шаралар ұйымдастырылды.

• 22.10.2022
• 266