Республика күніне орайластырылған Қазақстан халқы Ассамблеясының «Ұлы даланың ұлтаралық тілі» республикалық форумы өтті

Ағымдағы жылғы 20-22 қазан аралығында Солтүстік Қазақстан облысы Петропавл қаласында Ақпарат және қоғамдық даму министрлігінің қолдауымен Қазақстан халқы Ассамблеясының «Ұлы даланың ұлттық тілі» республикалық форумы өтті.

Форумның мақсаты қазақ тілін меңгеру бойынша Ассамблея амбассадорларының жеке тәжірибесі мен практикалық мысалдарын көрсету арқылы қоғамның мемлекеттік тілді меңгеруге деген қызығушылығын арттыру.

Форумға СҚО әкімінің бірінші орынбасары М. Тасмағанбетов, ҚР Парламенті Мәжілісінің депутаты Г. Шиповских, Қазақстан халқы Ассамблеясы Төрағасының қоғамдық орынбасарлары Т. Каримов, СҚО бойынша – В. Витченко, «Қазақ тілі» халықаралық қоғамының вице-президенті М. Рожин, республикалық Өзбек этномәдени орталығының төрағасы Ш. Пулатов, Дүнген этномәдени орталығының төрағасы З. Махусеев, «Ситуативті қазақ тілі» кітабының авторы Қ. Тасибеков, сонымен қатар этномәдени бірлестіктердің, мемлекеттік органдардың, республикалық жастар ұйымдарының, ғылыми және шығармашылық интеллигенцияның өкілдері, еріктілер, қоғам қайраткерлері қатысты.

СҚО әкімінің бірінші орынбасары Марат Тасмағанбетов өзінің құттықтау сөзінде «ана тілі – ұлттың жаны. Біздің міндетіміз – оны болашақ ұрпаққа беру», – деп атап өтті.

Форумды ашқан Қазақстан халқы Ассамблеясы Төрағасының орынбасары Т. Кәрімов бүгінде елімізде мемлекеттік тілді меңгеру үшін барлық жағдай жасалғаны туралы және мемлекеттік тілді білу – әрбір азаматтың парызы екендігін айрықша атап өтті.  

ҚР Парламенті Мәжілісінің депутаты Геннадий Шиповских жас ерекшелігіне қарамастан қазақ тілін үйренуге адамның өзінің қызығушылығы маңызды екеніне тоқталды.

Форум аясында Қазақстан халқы Ассамблеясының қазақ тілін қолдану аясын кеңейту жөніндегі бірқатар мәдени-ағартушылық жобалардың іске асырылуы талқыланды.  

Форум барысында қазақ тілінің үздік әдіскерлері тәжірибелік шеберлік сыныптарын өткізді, онда сарапшылар мемлекеттік тілді меңгерудің үздік тәжірибелерімен бөлісті.

• 22.10.2022
• 263