Ұлттық мереке-Республика күні қарсаңында облыс әкімі Ермек Маржықпаев салтанатты жағдайда қызметтік автомобильдердің, арнайы автокөліктердің және жаңа мектеп автобустарының кілттерін табыс етті.

- Сіздің кәсібилігіңіз, берік азаматтық ұстанымыңыз бен батылдығыңыз біздің азаматтарымыздың тәулік бойы қауіпсіздігін, олардың бүгінгі және ертеңгі күнге деген сенімін қамтамасыз етуге мүмкіндік береді. Облыс әкімдігі көрсететін тұрақты қолдау криминогендік жағдайдың төмендеуіне, өртке қарсы қауіпсіздік жағдайына оң әсер етеді. Мәселен, ағымдағы жылы ғана біздің облыста барлық түрдегі қылмыстардың саны үштен біріне азайды, - деді облыстың бірінші басшысы полиция және ТЖ департаменттерінің бөлімшелеріне сөйлеген сөзінде.

47 полиция көлігі: "Chevrolet Cobalt" маркалы 40 автокөлік, "JAC" маркалы 5 автозак, "Yutong" маркалы бір автобус, бір "КамАЗ" және бір өрт сөндіруші "КамАЗ" бүгін жұмысқа кірісті.

Бұл күні саланың үздік қызметкерлері ҚР Ішкі істер министрлігімен және облыс әкімінің алғыс хаттарымен марапатталды.

Степногорск қаласы полиция басқармасының жергілікті полиция қызметі бөлімінің учаскелік полиция инспекторы, полиция капитаны Владимир Ерастовқа полиция майоры арнайы атағы берілді. Қосшы қаласы полиция бөлімінің тергеу бөлімінің тергеу бөлімшесінің тергеушісіне, полицияның аға лейтенанты Сәуле Сүлейменоваға полиция капитаны арнайы атағы мерзімінен бұрын берілді. "Ішкі істер органдарының үздігі" төсбелгісімен Шортанды ауданы полиция бөлімінің уақытша ұстау изоляторының бастығы, полиция майоры Асқар Самбетов марапатталды.

- Автокөлік қоғамдық тәртіпті қорғауды және жол қозғалысының қауіпсіздігін қамтамасыз ететін патрульдік-бекеттік қызметке арналған. Бірқатар аудандық бөлімдер жедел қызмет атқару үшін, яғни жедел іздестіру іс-шараларын жүргізу үшін идентификациялық белгілері жоқ машиналар алды, сондай-ақ айдауылмен жүруге арналған Бес заманауи автозак үш қалада және екі аудандық полиция бөлімінде жұмыс істейтін болады. Техника бізге қоғамдық тәртіпті және жол қозғалысы қауіпсіздігін қорғауға үлкен көмек көрсетеді,-деді "АП" Ақмола облысы полиция департаментінің бастығы, полиция генерал-майоры Думан Таев.

Биылғы оқу жылында 160 жалпы білім беретін мектепте 207 елді мекеннен бес мыңнан астам оқушыны тасымалдау ұйымдастырылды, екі жүзге жуық автокөлік құралдары жұмылдырылды, олардың басым бөлігі – мектеп автобустары.

- Оқушыларды қауіпсіз тасымалдау үшін жыл сайын жаңа арнайы көлік сатып алынады, — деп атап өтті Ермек Маржықпаев. — Мысалы, соңғы үш жылда 800 млн теңгеге 70 бірлік автокөлік сатып алынды. Биыл біз бірінші партияны алдық — 2,6 млрд теңгеге лизингке сатып алынған 65-тен 15 жаңа мектеп автобусы. Жаңа автокөлік қауіпсіздіктің барлық заманауи талаптарына жауап береді, енді ауыл мектептерінің оқушылары тек мектептерге ғана емес, қосымша білім беру ұйымдарына да ыңғайлы қол жеткізе алады.

• 24.10.2022
• 234