2020 жылдың 10 қарашасында Шығыс Қазақстан, Павлодар, Қостанай облыстарының бірлескен аймақтық отырысында бала құқықтарын қамтамасыз ету бойынша өзекті мәселелер қаралды.

2020 жылдың 20 қазаны мен 20 қарашасы арасында Қазақстан Республикасында Дүниежүзілік бала қорғау күніне арналған «Бала құқығы – адам құқығы» атты бірқатар іс-шаралар өткізілуде.

        2020 жылдың 10 қарашасында Шығыс Қазақстан, Павлодар, Қостанай облыстарының бірлескен аймақтық отырысында бала құқықтарын қамтамасыз ету бойынша өзекті мәселелер қаралды.

         Аталған отырыстың жұмысына Білім және ғылым министрлігінің, орталық мемлекеттік органдардың, адам құқықтарын қорғау бойынша Ұлттық орталықтың, БҰҰ ЮНИСЕФ Балалар қорының өкілдері, облыс әкімдерінің орынбасарлары, білім беру саласындағы сапаны қамтамасыз ету департаменттері басшыларының орынбасарлары, қала, аудан әкімдерінің әлеуметтік сала бойынша орынбасарлары, облыстық, аудандық, қалалық білім беру, денсаулық сақтау, әлеуметтік қорғау  басқармаларының басшылары,  құқық қорғау органдарының, үкіметтік емес ұйымдарының және ата-аналар қауымдастығының өкілдері қатысты.

Облыс әкімдіктерінің назарын әлеуметтік жетімдіктің алдын алу, жетім және ата-анасының қамқорлығынсыз қалған балаларды тұрғын үймен қамту, кәмелетке толмағандар арасындағы құқықбұзушылықтың, жарақаттанудың және оларға қарсы қылмыстың алдын алу шаралары мен ата-аналарды (заңды тұлғаларын) құқықтық ақпараттандыру  жұмыстарына назар аударылды.

         Жетімдіктің алдын алу, жетім және ата-анасының қамқорлығынсыз қалған  балаларды тұрғын үймен қамтамасыз ету туралы өңірлік іс-тәжірибелерімен Қостанай облысы білім басқармасының басшысы Байменова Зауре Ануарбековна және  Павлодар облысы білім басқармасының басшысы Болатханұлы Дінислам бөлісті.

         Қосымша білім беру және оқушылардың каникул уақытында, оның ішінде қашықтан оқыту кезінде бос уақытын ұйымдастыру туралы Шығыс Қазақстан облысы білім басқармасының басшысы Жумадилова Сайрангул Ахметкаримовна баяндады.

         Кәмелетке толмағандар арасындағы және оларға қарсы  құқық бұзушылықтың алдын алу жөнінде Павлодар облысы полиция департаменті жергілікті полиция қызметінің аға инспекторы Камзина Бибигүл Тулешовна айтып өтті.

Бала құқықтарын қорғау комитеті аймақтық үкіметтік емес ұйымдардың өкілдеріне белседілік танытқаны үшін алғысын білдіреді.

Үкіметтік емес ұйымдардың өкілдері білім ұйымдарында дауды шешу жолдары, мүмкіндігі шектеулі балаларды тәрбиелеп отырған отбасыларға көрсетілетін қызмет пен отбасыларды қолдау және олардың тәрбие потенциалын арттыру туралы  конструктивті ұсынымдар жасады.

Отырыс қорытындысы бойынша ұсынымдар енгізілді.

• 23.11.2020
• 586