2020 жылдың 3 қарашасында Батыс Қазақстан, Ақтөбе, Атырау, Маңғыстау обыстарының бірлескен аймақтық отырысында бала құқықтарын қамтамасыз ету бойынша өзекті мәселелер қаралды.

2020 жылдың 20 қазаны мен 20 қарашасы арасында Қазақстан Республикасында Дүниежүзілік бала қорғау күніне арналған «Бала құқығы – адам құқығы» атты бірқатар іс-шаралар өткізілуде.

         2020 жылдың 3 қарашасында Батыс Қазақстан, Ақтөбе, Атырау, Маңғыстау обыстарының бірлескен аймақтық отырысында бала құқықтарын қамтамасыз ету бойынша өзекті мәселелер қаралды.

         Аталған отырыстың жұмысына Білім және ғылым министрлігінің, орталық мемлекеттік органдардың, БҰҰ ЮНИСЕФ Балалар қорының өкілдері, облыс әкімдерінің орынбасарлары, білім беру саласындағы сапаны қамтамасыз ету департаменттерінің басшылары орынбасарлары, қала, аудан әкімдерінің әлеуметтік сала бойынша орынбасарлары, облыстық, аудандық, қалалық білім беру, денсаулық сақтау, әлеуметтік қорғау  басқармаларының басшылары,  құқық қорғау органдарының, үкіметтік емес ұйымдарының және ата-аналар қауымдастығының өкілдері қатысты.

Облыс әкімдіктерінің назарын әлеуметтік жетімдіктің алдын алу, жетім және ата-анасының қамқорлығынсыз қалған балаларды тұрғын үймен қамту, кәмелетке толмағандар арасындағы құқықбұзушылықтың, жарақаттанудың және оларға қарсы қылмыстың алдын алу шаралары мен ата-аналар қоғамдастығын құқықтық ақпараттандыру  жұмыстарына назар аударылды.

Ақтөбе облысында әлеуметтік жетімдіктің алдын алу, жетім және ата-анасының қамқорлығынсыз қалған балаларды тұрғын үймен қамту туралы облыстық білім басқармасының басшысы Уразбаева Ляззат Аманжоловна баяндады.

Балалардың сабақтан тыс уақытта және қашықтан оқыту кезінде  бос уақытын ұйымдастыру туралы іс-тәжірибесімен Батыс Қазақстан облысы білім басқармасы басшысының орынбасары Гумарова Зауре Базарғалиқызы бөлісті.

Ата-аналар қоғамдастығын құқықтық ақпараттандыру және кәмелетке толмағандар арасындағы құқықбұзушылықтың алдын алу шаралары туралы бойынша жүргізіліп жатқан жұмыстары туралы Атырау облысы департамент полициясының бас инспекторы Кушкалиева Орынгуль Жангалиевна мен Маңғыстау облысы департамент полициясының жергілікті полиция қызметі бөлімі басшысының м.а. Айғарақов Қалдымұрат Бисенұлы атап өтті.

Бала құқықтарын қорғау комитеті аймақтық үкіметтік емес ұйымдардың өкілдеріне белседілік танытқаны үшін алғысын білдіреді.

Үкіметтік емес ұйымдардың өкілдері аймақтық қоғамдық бірлестіктердің еріктілер қызметін танымал ету қажеттігі туралы конструктивті ұсынымдар енгізді.

Аймақтардағы балалардың әл-ауқатын қамтамасыз ету мақсатына жетудегі жоба кеңселерінің рөлі туралы Қазақстан Республикасы Президенті жанындағы мемлекеттік басқару Академиясының профессоры, сертикатталған IPMA жоба менеджері, ICU кәсіби коуч Джунусбекова Гульсара Аширбаевна баяндады.         

Отырыс қорытындысы бойынша ұсынымдар енгізілді.

• 23.11.2020
• 553