Құрметті шығысқазақстандықтар! Құрметті жерлестер!

 Бүгін біз ұлттық мереке-Қазақстан Республикасының күнін атап өтеміз. Ол бұл мәртебені кездейсоқ алған жоқ-1990 жылы 25 қазанда Қазақстанның Тәуелсіз мемлекет ретіндегі саяси-құқықтық негіздері айтылған еліміздің мемлекеттік Егемендігі туралы Декларация қабылданды. Декларация аумақтардың тұтастығы, бөлінбейтіндігі мен қол сұғылмаушылығы, Қазақстан халықтарының мәдениеті мен олардың тілдерін дамыту, ұлттық бірегейлікті нығайту сияқты Қазақстандық мемлекеттіліктің қағидаттарын бекітті. Сонымен қатар, дәл осы құжатта саяси, экономикалық және әлеуметтік мәселелерді өз бетінше шешу принципі жарияланды. Сондықтан, асыра сілтемей, дәл осы күні Қазақстанның жаңа ел ретінде қалыптасуы өзінің заңдарымен, өзінің ішкі және сыртқы саясатымен басталды. Осы жылдар ішінде мемлекет дамудың қиын жолынан өтті, түрлі қиындықтарды еңсере отырып, біз мықты азаматтық қоғам құра алдық, этносаралық және ұлтаралық келісімді нығайта алдық, әлемдік саяси аренада лайықты орын алдық. Қазақстан Президенті Қасым-Жомарт Кемелұлы Тоқаев Республика күні шын мәнінде ұлттық мереке екенін, өйткені ол ерекше тарихи маңызы бар және мемлекеттілігіміздің дамуына елеулі әсер еткен оқиғаларды бейнелейтінін атап өтті. Осы мереке күні баршаңызға бақыт, бейбітшілік, жақсылық пен өркендеу, еңбектегі жетістіктер және тәуелсіз Қазақстанның игілігі үшін жаңа жетістіктер тілеймін! Әр отбасында амандық пен ертеңгі күнге деген сенімділік орнасын, ал жаңа жетістіктерге ұмтылу бізді үлкен жетістіктерге жетелесін!

• 26.10.2022
• 256