Қазгидромет ауа сапасы жөніндегі семинарға қатысты

Орталық Азия елдеріне ақпарат беру мақсатында Қырғыз Республикасының Бішкек қаласында 18-19 қазанда Ауа сапасының индексін (АСИ) әзірлеуге арналған екі күндік өңірлік семинар өтті.

Семинарды ұйымдастырушылар - АҚШ Мемлекеттік департаменті, «MoveGreen» ұйымы және БҰҰ Қоршаған ортаны қорғау бағдарламалары. Мұндай кездесулер барысында шағын топтардағы талқылаулар мен оқыту семинарларынан тұратын белсенді практикалық іс-шаралар өткізіліп, нәтижесінде нақты мәселелердің инновациялық шешімі табылады. Аталмыш  семинарлар қатысушылардың жетекшілік етуімен ауа сапасы саласында жұмыс істейтін әріптестермен, сондай-ақ Орталық Азия және әлем сарапшыларымен озық тәжірибелермен және проблемалармен бөлісуге мүмкіндік береді.

Қазақстандық тараптың өкілдері – «Қазгидромет» РМК мамандарына атмосфералық ауа мониторингі саласындағы халықаралық сарапшылардың жетістіктерімен танысу және АИС-мен жұмыс істеу жөніндегі практикалық ұсынымдар алу мүмкіндігі  берілді.

• 27.10.2022
• 245