«Қауіпсіз жол» жедел-профилактикалық іс-шарасы

         Жол-көлік оқиғаларын азайту, сондай-ақ Жол жүрісі қағидаларын өрескел бұзушылықтарын анықтау мақсатында республика аумағында ағымдағы жылдың 18-20 қарашасы аралығында «Қауіпсіз жол» жедел-профилактикалық іс-шарасы өткізілді.

         Жол жүрісін қадағалау кезінде 40 577 бұзушылықтың жолы кесілді, оның ішінде көлік құралын мас күйінде басқарған 340 бұзушылық, 3564 жылдамдықты белгіленген мөлшерден асырып басқару, 126 қарсы жолаққа шығу, 836 бағдаршамның тыйым салған белгісіне өту сияқты бұзушылықтар анықталған.        

         239 жүргізуші теміржол өткелдерінен өту қағидаларын бұзды, сонымен қатар жаяу жүргіншілердің 5921 бұзушылығы анықталды. Сонымен қатар, қоғамдық жолаушылар көлігі жүргізушілерінің 701 жол жүрісі бұзушылықтары анықталды.

        Іс-шара барысында қауіпті жол учаскелерінің 2 864 шақырымы тексерілді, онда 426 жол белгілері қойылды.

• 23.11.2020
• 433