Республика күні қарсаңында Ұлттық экономика министрлігінде мемлекеттік наградалар табысталды

ҚР Ұлттық экономика министрі Әлібек Қуантыров Республика күніне арналған салтанатты шарада құттықтау сөз сөйлеп, министрліктің және ведомстволық бағынышты ұйымдардың қызметкерлеріне ҚР Президенті Қасым-Жомарт Тоқаевтың Жарлығымен берілген мемлекеттік наградаларды тапсырды.

Қазақстан Республикасы Президентінің 2022 жылғы 14 қазандағы Жарлығымен Мемлекеттік және қоғамдық қызметте сіңірген еңбегі, елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі үшін:

«Парасат» орденімен ҚР Ұлттық экономика бірінші вице-министрі Тимур Жақсылықов Мекешұлы наградталды.

«Құрмет» орденімен:

1. ҚР ҰЭМ Табиғи монополияларды реттеу комитеті Қызылорда облысы бойынша департаменті басшысының орынбасары Құлдарайхан Тоқанқызы Кеншембаева;

2. ҚР ҰЭМ Табиғи монополияларды реттеу комитеті Павлодар облысы бойынша департаментінің бөлім басшысы Данара Қайыркенқызы Қамалиева;

3. ҚР ҰЭМ Ішкі аудит Департаментінің директоры Баян Болатқызы Сапарова;

4. «Экономикалық зерттеулер институты» АҚ Басқарма төрағасының кеңесшісі Болат Досқалиұлы Хұсаинов;

5. «VISOR KAZAKHSTAN» ЖШС инвестициялық компаниясының басқарушы директоры, ҚР ҰЭМ Қоғамдық кеңес Президиумының мүшесі және төрағасы Алмас Таласұлы Чукин наградталды.

Сондай-ақ, министрліктің және ведомстволық бағынышты ұйымдардың қызметкерлері «Ерен еңбегі үшін» медалімен, Қазақстан Республикасының Құрмет грамотасымен және алғыс хаттармен марапатталды.

Сонымен қатар мемлекеттік қызметшілердің ант қабылдау салтанатты рәсімі өтті.

• 01.11.2022
• 225