Қазақстандағы МЖӘ-нің ағымдағы жағдайы бойынша анықтама

1. МЖӘ жобалары, концессиялық жобалар бойынша жиынтық ақпарат (бұдан әрі – жобалар)

2022 жылғы 1 қазандағы жағдай бойынша
жалпы құны 2 257 млрд теңгені құрайтын 1 060 концессиялық, МЖӘ шарттары (бұдан әрі – Шарттар) (оның ішінде 2 226 млрд теңге сомасына  842 іске асырылып жатқан жоба, 32 млрд теңге  сомасына 218 мерзімі аяқталған жобалар (шарттардың мерзімі өткен) жасалған:

• 14 – құны 1 361 млрд теңгені құрайтын республикалық жобалар;
• 1 046 – құны 896 млрд теңгені құрайтын жергілікті жобалар.

Анықтама ретінде:

2005 ж. – 2 жоба (77,9 млрд теңге), 2007 ж. – 1 жоба (4,1 млрд теңге),
2016 ж. – 14 жоба (12 млрд теңге), 2017 ж. – 149 жоба (210,4 млрд теңге),
2018 ж. – 283 жоба (892,1 млрд теңге), 2019 ж. – 261 жоба (163,2 млрд теңге),
2020 ж. – 136 жоба (227,3 млрд теңге), 2021 ж. – 190 жоба (631 млрд теңге),
2022 ж. – 24 жоба (39,1 млрд теңге).

Жоспарлау мен дайындықтың әртүрлі кезеңдерінде құны 438 млрд теңгені құрайтын барлығы 225 жоба бар,  оның ішінде:

1) құны ~102 млрд теңгені құрайтын республикалық деңгейдегі 29 жоба, оның ішінде:

• жалпы құны ~16 млрд теңгені құрайтын 8 жоба бойынша конкурс жарияланды;
• құны 81 млрд теңгені құрайтын конкурс өтпеген 1 жоба;
• құны ~6 млрд теңгені құрайтын жоспарлау сатысындағы 20 жоба.

2) жалпы құны ~336 млрд теңгені құрайтын өңірлік деңгейдегі 196 жоба, оның ішінде:

• жалпы құны ~ 59 млрд теңгені құрайтын 44 жоба бойынша конкурс жарияланды, оның ішінде жеке серіктестердің бастамасымен 9 жоба бойынша тікелей келіссөздер жүргізілуде;
• құны ~ 11 млрд теңгені құрайтын конкурс өтпеген 39 жоба;
• құны ~266 млрд теңгені құрайтын 113 жоба жоспарлау кезеңінде.

II. Іске асырылып жатқан жобалар туралы ақпарат

Пайдалану кезеңінде құны 827 млрд теңгені құрайтын  602 жоба бар, оның ішінде:

•  құны  213 млрд теңгені құрайтын республикалық маңызы бар 8 жоба;
• құны 614 млрд теңгені құрайтын жергілікті маңызы бар 594 жоба.

Инвестициялық кезеңде құны 1 399 млрд теңгені құрайтын 240 жоба бар, оның ішінде:

• құны 1 149 млрд теңгені құрайтын республикалық маңызы бар 6 жоба;
• құны 234 млрд теңгені құрайтын жергілікті маңызы бар 250 жоба.

1. Жасалған Шарттар бойынша салалық ақпарат

Жасалған Шарттардың 86,7%-нан астамы сандық тұрғыдан 3 салаға тиесілі: білім беру, денсаулық сақтау және әлеуметтік қызмет көрсету, энергетика және ТҮКШ.

Дегенмен, құндық мәнде шамамен 38%-ы көлік және инфрақұрылымға тиесілі.

Жобалардың деректер базасы «Қазақстандық мемлекеттік-жекешелік әріптестік орталығы» АҚ сайтында орналасқан (https://kzppp.kz), база ай сайын жаңартылып отырады.

• 01.11.2022
• 318