Астанада Қазақстандағы әйелдер қауымының саяси мүмкіндіктерін арттыру және көшбасшылық әлеуетін дамыту бойынша арнайы тренинг басталды.

Іс-шараны БҰҰ-Әйелдер ұйымы ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссиямен және ҚР Ақпарат және қоғамдық даму министрлігімен бірге «Tomiris» ақпараттық-білім беру бағдарламасы аясында өткізіп жатыр.

Арнайы тренинг 5 қарашаға дейін жалғасады. Қазақстанның түрлі өңірлерінен келген 25 қыз-келіншек 5 күн ішінде көшбасшылық және презентациялық дағдыларға, сайлауалды бағдарламалар мен науқандарды дайындау жағынан оқытады.

Тренинг бағдарламасын халықаралық сарапшы, ЕҚЫҰ төрағасының гендерлік мәселелер жөніндегі арнайы өкілі Лилиана Палихович әзірледі.

ҚР АҚДМ министрі Дархан Қыдырәлі тренингке қатысушыларға құттықтау хат жолдады. Онда еліміздегі әйелдердің экономикалық және саяси мүмкіндіктерін арттырудың маңызын атап өтті.

Тренинг қорытындысы бойынша қатысушыларға арнайы сертификаттар беріледі.

• 03.11.2022
• 307