Астана қаласында Қазақстан әйелдерінің саяси мүмкіндіктері мен көшбасшылық әлеуетін арттыру бойынша жаттықтырушыларға арналған тренинг өтті.

«Томирис» ақпараттық-білім беру бағдарламасын ҚР Ақпарат және қоғамдық даму министрлігі Қазақстандағы «БҰҰ-Әйелдер» және ҚР Президенті жанындағы Әйелдер істері және отбасылық-демографиялық саясат жөніндегі Ұлттық комиссияның қолдауымен жүзеге асырады.

Бағдарлама шеңберінде Қазақстанның өңірлерінен келген 25 қатысушы көшбасшылық қасиеттерге, презентациялық дағдыларға, сайлау алдындағы бағдарламалар мен науқандарды дайындау бойынша қарқынды оқытудан өтуге мүмкіндік алды.

Жаттықтырушы ретінде ЕҚЫҰ Төрағасының гендерлік мәселелер жөніндегі арнайы өкілі Лилиана Палихович сөз сөйледі.

АҚДМ вице-министрі А. Данилов пен Ақпарат және қоғамдық даму министрінің кеңесшісі А. Оспанова тренингке қатысушыларды оқудың сәтті аяқталуымен құттықтап, сертификаттар табыс етті.

• 08.11.2022
• 224