Асан Дарбаев Алматы қ. «Алматы электр станциялары» АҚ-ның нысандарына барды

2022 жылғы 3 қарашада ҚР ҰЭМ Табиғи монополияларды реттеу комитетінің басшысы Асан Дарбаев Алматы қаласының базалық субъектісі «Алматы электр станциялары» АҚ-ның нысандарын тексерді.

Белгілі болғандай, «Алматы электр станциялары» АҚ Алматы қаласы мен Алматы облысы үшін жылу энергиясын өндіру бойынша қызметтер көрсетеді және оған тиесілі Алматы ЖЭО-2 Қазақстандағы электр және жылу энергиясын біріктірілген өндіру бойынша ең ірі жылу станциясы болып табылады. Оның белгіленген электр қуаты - 510 МВт, жылу қуаты – 1411 Гкал/сағ. Ол АлЭС компаниясының басқа энергия көздерімен, ЖЭО-1 және Батыс жылу кешенімен, созылыңқы жылу желілерімен байланысты. Олар бірлесіп жылу энергиясын өндіруді оңтайландырады, бір-бірін теңестіреді және отын шығындарын азайтады.

Аталған нысандарға бару шеңберінде Табиғи монополияларды реттеу комитетінің Алматы қаласы бойынша департаменті (ТМРКД) «Алматы электр станциялары» АҚ-мен бірлесіп, БАҚ және жұртшылық өкілдерінің қатысуымен баспасөз турын өткізді.

Баспасөз турға қатысушылар субъектінің «ЖЭО-2»-де күрделі жөндеу, атап айтқанда қазандық агрегатының алдыңғы экранын ауыстыру, түсіру газ құбырының бу қыздырғышын дайындаумен және ауыстырумен жөндеу және №6 турбоагрегаттың ресурсын ұзартумен жөндеу жүргізілетін нысандарға барды.

2022 жылы «ЖЭО-2» нысандарында жөндеу жұмыстарының орындалуы және 2021 жылы орындалған жұмыстар туралы А. Жакутов атындағы ЖЭО-2 директоры Фазоил Салимов айтып берді.

«Алматы электр станциялары» АҚ-ның өкілі станциядағы жылу энергиясын өндірудің технологиялық процесін түсіндіре отырып, станцияның жалпы жұмысымен таныстырды.

Жобаларды іске асыру физикалық тозуды азайтуды қамтамасыз етуге және кәсіпорын жұмысының тиімділігін арттыруға мүмкіндік береді. Көрсетілген іске асырылатын жобалардың жалпы сомасы ҚҚС-сыз 712,92 млн.теңгені құрайды.

Бүгінгі күні «Алматы электр станциялары» АҚ 2022-2026 жылдарға арналған жылу энергиясын өндірудің реттеліп көрсетілетін қызметі бойынша бекітілген инвестициялық бағдарламаны іске асыруды жалғастыруда, ондағы іс-шаралар негізгі құралдардың физикалық тозуын азайтуға, көрсетілетін қызметтердің тиімділігі мен сапасын арттыруға бағытталған.

«Алматы электр станциялары» АҚ-ның өкілі сондай-ақ инвестициялық бағдарлама шеңберінде ағымдағы жылдың соңына дейін орындалатын жоспарланған іс-шаралар туралы есеп берді.

Өз кезегінде, ТМРК төрағасы жылу энергиясын үздіксіз өндіру және оны тікелей Алматы халқына беретін субъектіге беру үшін «Алматы электр станциялары» АҚ өндірістік бөлімшелерінің объектілерін жаңғырту бойынша жүргізіліп жатқан іс-шаралардың маңыздылығын атап өтті.

Баспасөз туры барысында қатысушылар мен БАҚ өкілдері кәсіпорынның инвестициялық бағдарламасының орындалу барысымен егжей-тегжейлі танысты.

• 09.11.2022
• 270