Маңғыстау облысы туризм басқармасының басшысы тағайындалды

Маңғыстау облысының әкімі Нұрлан Ноғаевтың өкімімен Маңғыстау облысы туризм басқармасының басшысы қызметіне Президенттік кадр резервінің мүшесі Габдулкалиев Маулен Сакенұлы тағайындалды. 

 Маулен Габдулкалиев  әл-Фараби атындағы Қазақ ұлттық университетін есеп және аудит мамандығы бойынша тәмамдаған. 

Еңбек жолын 2012 жылы «Қазпошта» АҚ МОФ Ақтау қалалық №3 пошта бөлімшесінің операторы, байланыс операторы болып бастаған. Осы жылы ол «Қазпошта» АҚ МОФ почталық технологиялар секторының жетекші маманы, қаржы секторының жетекші маманы, карточка өнімдері секторының бас маманы  қызметтерін атқарған. 

2013 жылдан бастап Орал қаласындағы Круглоозерный кенті әкімі аппаратының бас маманы болған.

2014 жылы Ақтау қаласындағы «Holding Altyn Dan» АҚ астық сатып алу департаментінің директоры, «Holding Marat» ЖШС астық сатып алу бөлімінің бастығы қызметінде жасаған. 

2015 жылдың сәуір айынан бастап Ақтаудағы «Қазпошта» АҚ МОФ сату бөлімінің бас маманы, қазан айынан бастап бастығы болды. 

2016 жылы «Қазпошта» АҚ ОА-ның қаржы қызметінің сату департаментінің менеджері, сату қызметі орталығының менеджері;

2017 жылы «Қазпошта» АҚ МОФ бизнес бойынша директордың орынбасары;

2020 жылдан  «Қазпошта» АҚ Ақтөбе ОФ-ның директоры қызметін атқарған.

Нұрлан Ноғаев туризм басқармасының ұжымына жаңа басшыны таныстырып, оның біліктілігі мен тәжірибесі өңірдің туризм саласына жаңа серпін беретініне сенім білдірді.

• 09.11.2022
• 255