«Электоралдық белсенділік азаматтық бірегейлік факторы ретінде» атты жалпыреспубликалық ғылыми-практикалық конференциясы ұйымдастырылды.

2022 жылдың 11 қарашасында ҚР АҚДМ Қолданбалы этносаяси зерттеулер институты «AMANAT» партиясының Қоғамдық саясат институтымен және Л.Н. Гумилев атындағы Еуразия ұлттық университетімен бірлесіп «Электоралдық белсенділік азаматтық бірегейлік факторы ретінде» атты жалпыреспубликалық ғылыми-практикалық конференциясын өткізді.

Конференция Қазақстан халқы Ассамблеясы Төрағасының орынбасары М.А. Әзілхановтың, ҚР Ақпарат және қоғамдық даму вице-министрі

Д.Р. Қадыровтың, ҚР Парламенті Мәжілісінің депутаты Ю.В.Кучинскаяның, «AMANAT» партиясының хатшысы Д.Ж. Кәрібектің, Л.Н. Гумилев атындағы ЕҰУ ректоры Е.Б. Сыдықовтың қатысуымен өтті. Іс-шараға

ҚР Президентінің жанындағы ҚСЗИ өкілдері және басқа да аналитикалық ғылыми-зерттеу институттары, ҚХА Ғылыми-сарапшылық кеңесінің, ҚЭЗИ жанындағы Сарапшылық топтың, өңірлердегі Ғылыми-сарапшылық топтардың мүшелері, жоғары оқу орындарындағы ҚХА кафедраларының өкілдері, сондай-ақ Израиль, Испания және РФ сарапшылары қатысты.

Конференция тақырыптамасының аясында отандық және шетелдік сарапшылар жаһандық және жергілікті электоралдық үрдістерді қарастырды, азаматтық бірегейлік мәселелерін талқылады және оның сайлау үдерістеріне қатысу мәдениетін қалыптастырудағы рөлін бағалады.

Іс-шара барысында отандық сарапшылар азаматтық бірегейлік тақырыбы бойынша жүргізілген әлеуметтанулық зерттеулердің нәтижелерін ұсынды, қазақстандық қоғамның, әсіресе жастардың саяси белсенділігінің заманауи трендтерін қарастырды. Өз кезегінде халықаралық сарапшылар елдеріндегі азаматтық бірегейлікті қалыптастырудағы тәжірибелерімен бөлісті.

Электоралдық үрдістер мен азаматтық бірегейлік мәселелерін талқылау қорытындысы бойынша Конференцияға қатысушылар жаңа электоралдық дәстүрлерді қалыптастырудың маңызды аспектілерін көрсететін және алдағы сайлаудың азаматтық қатысу мәдениетін нығайтудағы рөлін жариялайтын резолюцияны қабылдады.

• 11.11.2022
• 274