2022 жылғы 11-13 қазан аралығында Самарқанд қаласында (Өзбекстан) С5+1 форматында (Қазақстан, Өзбекстан, Қырғызстан, Тәжікстан, Түрікменстан және АҚШ) ядролық контрабандаға қарсы іс-қимыл жөніндегі конференция өтті

С5+1 форматындағы ядролық контрабандаға қарсы іс-қимыл жөніндегі конференцияның мақсаты - қатысушы елдердің қауіпті материалдардың қолжетімділігінің өзекті проблемасын, жаһандық контрабанда схемаларын және үнемі күшейіп келе жатқан террористік қауіпті ескере отырып, Орталық Азия өңірінде ядролық контрабанданың өсіп келе жатқан тәуекелдері мен қауіптерінің перспективаларын талқылау болды.
Конференция делегаттары ҚР ҚМ МКК, ҚР ҰҚК, ҚР ҰҚК ШҚ, ҚР Энергетика министрлігі, "Ядролық физика институты" ШЖҚ РМК, "ҚР Ұлттық ядролық орталығы" РМК өкілдері болды. Барлығы – алты елден 150-ден астам қатысушы, соның ішінде Қазақстан Республикасынан - 19 адам.
Іс-шара барысында Орталық Азия елдерінің тұсаукесерлері ұсынылды, практикалық-ситуациялық модульдер қаралды және АҚШ Энергетика министрлігі, Атом энергиясы жөніндегі халықаралық агенттік (МАГАТЭ) және Федералды тергеу бюросы (АҚШ ФБР) өкілдерінің сөйлеген сөздері тыңдалды.
Іс-шара қорытындысы бойынша С5+1 форматындағы ядролық контрабандаға қарсы іс-қимыл жөніндегі конференцияға қатысушылардың бірлескен декларациясы қабылданды, онда қатысушы елдердің негізгі тақырыптары мен әлеуетті бастамалары белгіленді.
Конференцияның барлық қатысушылары С5 + 1 елдерінің форматында ядролық контрабандаға қарсы іс-қимыл бойынша ведомствоаралық және мемлекетаралық ынтымақтастықты күшейтуге ниет білдірді.

• 11.11.2022
• 162