Сенат республикалық және облыстық бюджеттер арасындағы жалпы сипаттағы трансферттердің көлемі туралы Заң жобасы мақұлдады

ҚР Парламент Сенатының пленарлық отырысы. Әлібек Қуантыров «Республикалық және облыстық бюджеттер, республикалық маңызы бар қалалардың, астананың 2023-2025 жылдарға арналған бюджеттері арасындағы жалпы сипаттағы трансферттердің көлемі туралы» Заң жобасын ұсынды.

ҰЭМ басшысы атап өткендей, құжат әкімшілік-аумақтық құрылымды және үш жаңа облысты қайта құру жағдайында әзірленді.

«Үш жылдық жалпы сипаттағы жаңа трансферттер бюджетаралық қатынастарды жетілдіру бойынша жекелеген тәсілдерді қолдану арқылы «теңгерімді аумақтық дамуды» қамтамасыз етуге бағытталған», - деді ол.

Атап айтқанда, Заң жобасы өңірлердің қаржылық дербестігін арттыруды көздейді. Онда бюджет саласы қызметкерлерінің жалақысының орта есеппен 25%-ға өсуімен, сондай-ақ жекелеген түсімдерді жергілікті деңгейге 300 млрд теңге көлемінде беруге байланысты қосымша түсімдер ескерілді.

«Болжам бойынша өңірлердің кірістері 2022 жылы 4,7 трлн. теңгеден 2025 жылы 6,1 трлн. теңгеге дейін, немесе 30%-ға артып, 2025 жылға өзіндік кірістер үлесінің 47%-ға дейін өсуін қамтамасыз етеді», - деді министр.

Сондай-ақ, Заң жобасымен донор-өңірлер үшін бюджеттік алып қоюлар көлемін азайту жөніндегі міндет біртіндеп шешілуде.

«Олар үшін есептеулерде арнайы жоғарылату коэффициенттері қолданылды, бұл өзіндік кірістеріндегі алып қоюлардың үлесін үш жылдық кезеңде 18% - ға дейін төмендетуге мүмкіндік береді», - деді Ә.Қуантыров.

«Базалық қызметтерге тең қолжетімділікті қамтамасыз ету» бюджетаралық қатынастардың негізгі қағидатын іске асыру мақсатында өңірлердің ерекшеліктерін есепке алу бойынша тәсілдер қолданылды.

«Бұл жоспарлы кезеңде өңірлердің ағымдағы шығындарының болжамын орта есеппен үш жылдық мерзімде, 1,1 трлн. теңгеге немесе 23%-ға арттыруға мүмкіндік берді», - деп атап өтті ведомство басшысы.

Заң жобасымен үш өңір-донор – Астана және Алматы қалалары, сондай-ақ Атырау облысы анықталды.

Бюджеттік алып қоюлар:

2023 ж – 432 млрд. теңгені

2024 ж – 469 млрд. теңгені

2025 ж – 504 млрд. теңгені құрайды.

Қалған 17 өңір бойынша 2023 жылы бюджеттік субвенциялар көлемі:

2023 ж – 5 трлн. теңгеге

2024 ж – 5,3 трлн. теңгеге

2025 ж – 5,8 трлн. теңгеге тең болады.

Заң жобасын уақытылы қабылдау мемлекет кепілдік берген мемлекеттік қызметтер мен халыққа әлеуметтік игіліктерді қамтамасыз ету үшін үш жылдық кезеңде жергілікті бюджеттердің теңгерімділігін сақтауға мүмкіндік береді.

• 14.11.2022
• 197