Маңғыстау облысының табиғи ресурстар және табиғат пайдалануды реттеу басқармасының басшысы тағайындалды

Маңғыстау облысының әкімі Нұрлан Ноғаевтың өкімімен  Әбдіқадіров Мәлік Маңғыстау облысының табиғи ресурстар және табиғат пайдалануды реттеу басқармасының басшысы болып тағайындалды.

Мәлік Әбдіқадіров «Қайнар» университетінің және Ш.Есенов атындағы Каспий мемлекеттік технологиялар және инжиниринг университетінің бакалаврын тәмамдаған, Абердин университетінде (Шотландия) заң ғылымдарының магистр дәрежесін алған.

Еңбек жолын 1999 жылы Бейнеу ауданы прокурорының көмекшісі болып бастап, 2009 жылға дейін Маңғыстау облысының прокуратура органдарында түрлі қызметтерді атқарған.

 2011-2014 жылдар аралығында Қазақстан Республикасының Бас көлік прокуратурасы мен Бас прокуратурасында қызмет атқарған.

 2014-2015 жылдары Басрадағы (Ирак Республикасы) “Лукойл Оверсиз” мұнай компаниясында әкімшілік менеджер болды.

 2017-2020 жылдары ҚР Ұлттық экономика министрлігінің Табиғи монополияларды реттеу, бәсекелестікті және тұтынушылардың құқықтарын қорғау комитетінің Маңғыстау облысы бойынша департаменті басшысының орынбасары, кейін басқарма басшысы қызметтерін атқарған.

 2020 жылдың шілде айынан қазіргі уақытқа дейін Ақтау қаласы әкімінің орынбасары қызметін атқарды.

• 15.11.2022
• 225