СҚО полицейлері интеллектуалдық бейнекамераларды іске қосты

Солтүстікқазақстандық полицейлердің бейнетехника паркі 58 объектіге көбейді.

16 қараша сағат 00:00-де Петропавл қаласында жол жүру ережесіне қатысты бұзушылықтарды тіркейтін жаңа аппараттық-бағдарламалық кешен жұмысын бастайды. Олар жылдамдық режимін бұзуды және тоқта сызығынан, бағдаршамның тыйым салынған белгісінен өтуді анықтауға арналған. “Ақылды” техника автоматты режимде бұзушылықты тіркейді, көліктің маркасы мен мемлекеттік нөмірін анықтайды.

28 жаңа аппараттық-бағдарламалық кешеннің Limit-S 8 жылдамдық өлшеуіші жолдардың желілік учаскелерінде орнатылған. Олар екі бағытқа бұрылған, 250 км/сағатқа дейінгі жылдамдықты бұзуды тіркей алады. Облыс орталығында бірнеше көшеде 10, “Грин-парк” пен Мамлют тас жолындағы саяжай массиві маңындағы жаяу жүргіншілер өткелінде 4 жылдамдық өлшеуіш жұмыс істейтін болады. Н.Назарбаев, Ғ.Мүсірепов пен Шәжімбаев көшелерінің қиылысында “Argus-Қиылыс” кешені жұмысын бастайды. Петропавлдың айналма жолында, сондай-ақ Қызылжар, Мамлют пен Тимирязев аудандарында “Ағын” жүйесімен біріктірілген “Argus-Рубеж” 4 кешені іске қосылады.

• 17.11.2022
• 288