2014 жылғы әлеуметтік-экономикалық даму қорытындысы шығарылды

Қайырлы күн, құрметті блог оқырмандары!

ҚР Ұлттық экономика министрлігінде жылдық алқа отырысы өтті, онда 2014 жылғы ведомство жұмысының қорытындылары шығарылды, және ағымдағы жылға арналған міндеттер айқындалады.

2014 жылы Министрліктің қызметі Мемлекет басшысының еліміздің әлемнің ең үздік 30 елінің қатарына кіру бойынша жаңа саяси бағыт айқындалған "Қазақстан-2050 стратегиясы және "Нұрлы Жол – Болашаққа бастар жол атты Қазақстан халқына Жолдауларын, сондай-ақ Президенттің елімізде әлеуметтік-экономикалық тұрақтылықты қамтамасыз ету жөніндегі тапсырмаларын іске асыруға бағытталған.

Экономиканың өсуін ынталандыру үшін Әлеуметтік-экономикалық саясаттың бiрiншi кезектегi шараларының 2014 жылға арналған жол картасы, сондай-ақ Экономиканың өсуін қамтамасыз ету жөніндегі іс-шаралар жоспары әзірленді және іске асырылды. ҚР Әлеуметтік-экономикалық саясатын бiрiншi кезектегi шараларының 2014 жылға арналған жол картасының іске асырылуы қамтамасыз етілді.

Қабылданған шаралар нәтижесінде 2014 жылы елімізде макроэкономикалық және қаржылық тұрақтылық қамтамасыз етілді. Бағалау бойынша, 2014 жылы ЖІӨ-нің нақты өсімі 4,3% құрады. Өнеркәсіптегі өсу 0,3%, ауыл шаруашылығында - 0,8% құрады. Негізгі капиталға инвестициялар 3,9% - ға өсті. Жұмыссыздық деңгейі 5,0%, инфляция - 7,4% құрады. Орташа айлық жалақы 120,5 мың теңгені құрады және нақты мәнде 3,9% -ға өсті.

2014 жылы "Қазақстан Республикасының мемлекеттік басқару деңгейлері арасында өкілеттіктердің аражігін ажырату жөніндегі шаралар туралы Қазақстан Республикасы Президентінің Жарлығы, сондай-ақ оны іске асыру үшін заңдар қабылданды.

Қалыптасып отырған жағдайды ескере отырып, Үкімет ішкі сұранысты қолдауға, жұмыссыздықтың өсуін болдырмауға және ЖІӨ-нің оң өсуін қамтамасыз етуге бағытталған контрциклді экономикалық саясат жүргізілетін болады.

Жаңа экономикалық саясатты іске асыру мақсатында Мемлекет басшысының тапсырмаларын орындау үшін көліктік-логистикалық, индустриялық, энергетикалық инфрақұрылымды дамытуға, коммуналдық инфрақұрылымды жаңғыртуға, тұрғын үй салуға бағытталған "Нұрлы жол мемлекеттік инфрақұрылымдық даму бағдарламасының жобасы әзірленді. Бұл бағыттар экономиканың өсуіне барынша мультипликативті әсер етеді.

Сонымен бірге, Министрлік мынадай басым бағыттарды айқындады. Сонымен, Дүниежүзілік банктің Doing Business Индексінде Қазақстанның рейтингін одан әрі жақсарту үшін кәсіпкерлікке барынша қолайлы жағдай жасау үшін заңнамалық өзгерістердің екінші пакеті дайындалды. Экономиканы қаржыландыру үшін МЖӘ тетіктерін қолдану кеңейтілетін болады. Сондай-ақ, мемлекеттік басқару жүйесін одан әрі жаңғырту үшін ЭЫДҰ мемлекеттік басқару саласындағы озық стандарттарын енгізу жоспарланып отыр.

Құрылымдық реформаларды жүргізу Министрлік жұмысының осы жылға арналған негізгі басымдығы болады. Қазіргі уақытта ҚР ҰЭМ халықаралық қаржы ұйымдарымен бірлесіп институционалдық жобаларды іске асыруға кірісті. 2015 жылы ТКШ, электр энергетикасы, ШОБ қолдау үшін кредит желісін беру және т.б. салалардағы жобаларды қамтитын 33 бірлескен жобаны іске асыруды бастау жоспарланып отыр.

Жалпы, 2015 жылы Ұлттық экономика министрлігінің қызметі Мемлекет басшысы қойған міндеттердің шешімін бұлшытпай қамтамасыз етуге, сондай-ақ экономиканың тұрақты дамуын және елдегі әлеуметтік тұрақтылықты қамтамасыз ету үшін ҚР Үкіметінің тапсырмаларын уақтылы және тиімді орындауға бағытталатын болады.

• 03.03.2015
• 15574