Маңғыстауда облыстық мәслихаттың XV сессиясы өтті

Бүгін, 17 қарашада 7-сайланған облыстық мәслихаттың кезектен тыс XV сессиясы өтті. Онда 2022-2024 жылдарға арналған облыстық бюджет шешіміне өзгерістер енгізу туралы баяндалды, деп хабарлайды Маңғыстау облысы әкімінің баспасөз қызметі. 

Биыл облыстағы салықтық түсімдер 136 млрд-ты құраған.

Облыстық бюджетті нақтылау туралы Маңғыстау облысы әкімінің орынбасары Әлимұхаммед Құттұмұратұлы баян етті.

-2022 жылы облысқа 326 млрд теңгеден астам кіріс түсті.  Бөлінген қаржы әлеуметтік маңызы бар салаларға, әлеуметтік қамсыздандыруға, жолаушылар тасымалын субсидиялау, ауыл шаруашылығы, тұрғын-үй шаруашылығы сынды салаларға  жұмсалды, - деді Әлимұхаммед Құттұмұратұлы.

Сессия отырысына қатысқан облыс әкімі Нұрлан Ноғаев атқарылған ортақ жұмыстар үшін депутаттарға алғыс білдіріп, мемлекеттік орган басшыларына Маңғыстау өңірінің әлеуметтік-экономикалық дамуына қатысты нақты тапсырмалар берді.

• 18.11.2022
• 270