Аймақ басшысы Нұрлан Ноғаев ЕҚЫҰ өкілдерімен кездесті

Бүгін, 18 қараша күні Маңғыстау облысының әкімі Нұрлан Ноғаев  ЕҚЫҰ-ның  халықаралық бақылаушылары - Ларс Толлемарк пен Лаура Вилалбамен кездесті, деп хабарлайды Маңғыстау облысы әкімінің баспасөз қызметі.

Бұған дейін Ларс Толлемарк пен Лаура Вилалба облыстық сайлау комиссиясының төрағасымен кездесіп,  облыстағы сайлау комиссиясы мен сайлау учаскелерін аралаған. 

Облыс басшысы ЕҚЫҰ бақылаушыларының жұмыстарына сәттілік тілеп, оларға саяси шараға атсалысқандары үшін алғыс айтты.

-Маңғыстау өңіріне қош келдіңіздер! Бұл - еліміз үшін маңызды әрі тарихи кезең. Еліміз үшін маңызды шараға қатысуға уақыт бөлгендеріңіз үшін алғыс айтамын, - деді Нұрлан Ноғаев.

• 18.11.2022
• 261