ТМД-ға қатысушы мемлекеттердің атом энергиясын пайдалану кезіндегі қауіпсіздікті реттеу органдарының басқарушы деңгейінің өкілдері кеңесінің екінші отырысына қатысты БАСПАСӨЗ РЕЛИЗІ

2022 жылғы 8 қарашада Бішкек қаласында (Қырғыз Республикасы) ТМД-ға қатысушы мемлекеттердің атом энергиясын пайдалану кезіндегі қауіпсіздікті реттеу органдарының басқарушы деңгейдегі өкілдері кеңесінің (бұдан әрі – Кеңес) екінші отырысы өтті.

Аталған іс-шарада Қазақстан Республикасы атынан Қазақстан Республикасы Энергетика министрлігі Атомдық және энергетикалық қадағалау және бақылау комитеті төрағасының орынбасары, ТМД елдерінің атом энергиясын бейбіт мақсатта пайдалану жөніндегі комиссиясының мүшесі Ғұмар Екпінұлы Серғазин қатысты. Сонымен қатар отырысқа ТМД-ға қатысушы мемлекеттердің атом энергиясын пайдалану саласындағы реттеуші органдарының басшылары да қатысты.

Отырыс барысында Кеңес қатысушыларына «ТМД-ға қатысушы мемлекеттердің қауіпсіздігін қамтамасыз ету үшін қауіпсіздік мәдениеті мен көшбасшылықты жетілдіру жөніндегі шаралар кешені» құжаты жобасының практикалық әзірлемелері ұсынылды. Сонымен бірге Кеңес отырысында термоядролық синтез қондырғыларының қауіпсіздігін реттейтін бірыңғай құжаттарды әзірлеудің орындылығы, сондай-ақ пайдаланылып болған ядролық отынмен және радиоактивті қалдықтармен жұмыс істеу жөніндегі тұжырымдаманың жобасын әзірлеу мәселелері қаралды.

• 21.11.2022
• 393