Шығыс Қазақстан облысының Курчатов қаласында Мерзімді қызметтің әскери қызметшілеріне арналған күзет және ден қою күштерін даярлау және орналастыру орталығы ашылды

Ағымдағы жылдың 17 қарашасында Курчатов қаласының "Шығыс" өңірлік қолбасшылығының №3514 әскери бөлімінің (бұдан әрі - Орталық) әскери қалашығының аумағында орналасқан "мерзімді қызметтің әскери қызметшілеріне арналған күзет және ден қою күштерін даярлау және орналастыру орталығын" құруды аяқтау бойынша салтанатты іс-шара өткізілді.

Аталған іс-шараға АҚШ Қорғаныс министрлігінің Қауіпті азайту жөніндегі агенттігінің Ядролық физикалық қауіпсіздік жөніндегі техникалық сарапшысы Бисселл Дрю Аллен бастаған Қазақстанға сапармен келген АҚШ Қорғаныс министрлігінің делегациясы қатысты.

Орталықтың ашылу салтанатына ҚР Ішкі істер министрінің орынбасары, Ұлттық ұланның Бас қолбасшысы - генерал-майор Е.С. Ботақанов, Бас штаб бастығының орынбасары, полковник - Е.А. Усанов, Бас штаб бастығының орынбасары, барлау бастығы - полковник М.Ж. Қанағатов, "Шығыс"өңірлік қолбасшылығының қолбасшысы - генерал-майор Р.Н. Ақбалин, сондай-ақ № 3514 әскери бөлімінің командирі - подполковник С.А. Нұртаев қатысты.

Сондай-ақ, салтанатты шараға ҚР Энергетика министрлігінен Атомдық және энергетикалық қадағалау мен бақылау комитеті (бұдан әрі - АЭҚБК) төрағасының орынбасары Г. Е. Серғазин қатысты.

Жаңа орталық бұрынғы Семей полигонының аумағында Ұлттық ядролық орталықтың Ядролық объектілерін сапалы және тиімді қорғауды қамтамасыз етуге арналған. Орталық Ең үздік халықаралық стандарттарға сәйкес келеді.

АЭҚБК мен ҚР Ұлттық ұланының АҚШ-тың Қауіп-қатерді азайту жөніндегі агенттігімен тығыз ынтымақтастықты арттыруды жалғастыруда және бүкіл ел бойынша ядролық қауіпсіздікті арттыруға үлкен үлес қосуда.

• 21.11.2022
• 318