«Ел бірлігі» Тik-Tok house жобасы бастау алды

2022 жылғы 21 қарашада Астана қаласында ҚР Ақпарат және қоғамдық даму министрлігінің «Ел бірлігі» Тik-Tok house жобасы бастау алды.  Аталған жоба ағымдағы жылдың 18 желтоқсанына дейін жалғасады.

         TikTok house жобасының мақсаты – жалпымәдени және жалпытарихи құндылықтарды, мәдениетаралық диалогты дамытуға, қазақстандық этностарды «бірлігіміз әралуандықта» қағидаты бойынша біртұтас ұлтқа интеграциялауға, оның ішінде қазақ тілін үйрену және елдің қоғамдық дамуының 100 өзекті тақырыбы бойынша бейне-контент жасауға бағытталған бірегей алаң құру.

TikTok house – бұл блогерлер ортақ мазмұнды жасайтын, қысқа бейнелер түсіретін және оларды #qogam_life ортақ хэштегі бойынша tiktok беттеріне орналастыратын алаң. Іс-шараға еліміздің барлық өңірлерінен 200 жас, оның ішінде этномәдени бірлестіктердің, «Ассамблея жастары» РҚБ өкілдері қатысады.

Жоба барысында инновациялық технологиялар мен оқытудың жаңа форматтарын пайдалана отырып оқыту әдістемесін қолдану арқылы қазақ тілін меңгеру деңгейін арттыру көзделген. Қазақ тілін оқыту үшін кәсіби спикерлер шақырылады, олар өз кейстерімен және тәжірибелерімен бөліседі. Сонымен бірге, заманауи фото, видео түсіру дағдыларын жетілдіру мақсатында қатысушылар үшін шеберлік сабақтар өткізетін SMM мамандарын,  фотографтар мен мобилографтарды шақыру жоспарлануда.

Жобаны Министрліктің «Қоғамдық келісім» РММ іске асыруда. 

• 22.11.2022
• 240