Облыстың денсаулық сақтау саласының негізгі инфрақұрылымы ірі қалаларда шоғырланған

Соңғы жылдары біз облыс бойынша диализ орталықтарының желісін құрып, бірқатар аудандық ауруханаларды жөндеп, оларды заманауи диагностикалық жабдықтармен қамтамасыз еттік. Сондай-ақ, шалғайдағы ауылдарда жылжымалы дәріханалардың жұмысын ұйымдастырдық. Биыл «Ауыл – ел бесігі» аясында 6 ауылдық фельдшерлік-акушерлік бекеттің құрылысын аяқтаймыз.

Біз үшін «Ауылдық денсаулық сақтау» ұлттық жобасы үлкен қолдау болды. Жоба аясында біз 2025 жылға дейін 92 медициналық нысанды, оның ішінде 13 дәрігерлік амбулаторияны, 24 фельдшерлік-акушерлік және 54 медициналық бекетті салуды, сондай-ақ Теміртау мен Балқаштағы екі ауданаралық аурухананы жаңғыртуды жоспарлап отырмыз.

Сонымен қатар, «Дипломмен ауылға» жобасы бойынша тағы 60 медициналық маман тұрғын үй сатып алуға бюджеттік несие алды. Жалпы алғанда, осы жылы 200-ге жуық жас дәрігер жиһазбен және тұрмыстық техникамен жабдықталған тұрғын үймен қамтамасыз етілді.

Бұл жұмысты келесі жылы жалғастыратын боламыз.

• 24.11.2022
• 233