ҰЭМ басшысы Қазақстанның "жасыл" бастамалары туралы айтып берді

Алматыда Қазақстан қаржыгерлерінің Х Конгресі аясында "ESG – Қаржы нарығын дамытудың жаңа парадигмасы" атты халықаралық конференция өтті. Іс-шараға Ұлттық экономика министрі Ә.Қуантыров қатысты.

Кездесу ашық пікірталас форматында өтті. Министр өз сөзінде Қазақстанның көміртегі бейтараптығына көшуінің негізгі бағыттарын айтты.

Министр атап өткендей, халықаралық серіктестермен және түрлі стейкхолдерлермен нақты жұмыс жүргізілді, барлық мүдделі тараптардың пікірлері ескеріледі.

«Біз әлемдегі ең озық тәжірибелерді қолдануға тырыстық. Жақын арада ешкім көміртегі бейтараптығына толық қол жеткізе алмайтыны анық. Сондықтан біз біртіндеп өту жолын таңдадық. Біз мыңдаған адамдардың жұмыс орындарынан айырылуына, ал кейбір қалаларда кәсіпорындардың жабылуына жол бере алмаймыз», - деді министр.

Оның айтуынша, болашақта Қазақстанның 2060 жылға дейінгі көміртегі бейтараптығына қол жеткізу Стратегиясы жаңа технологиялық шешімдерді ескере отырып түзетілуі мүмкін. Негізгі принциптер өзгеріссіз қалады. Олар - жүйелілік, тепе-теңдік, мақсаттарға жету.

• 25.11.2022
• 268