Қостанай облысының тұрғындарымен кездестім

Мақсаты – тұрғындарды балық шаруашылығын дамыту бойынша қабылданып жатқан шаралар туралы хабардар ету.

Кездесу барысында балық шаруашылығы субъектілері көтерген мәселелер талқыланды. Қойылған сұрақтарға тиісті жауап беріліп, әрі қарай жұмыс жасау үшін инспекцияға тапсырма берілді.

    Балық шаруашылығын табысты дамытудың маңызды факторы-бұл бизнес үшін қолайлы жағдайлар жасау, оның ішінде бастапқы кезеңде субсидия беру. Бүгінгі таңда балық шаруашылығы саласында техника мен жабдықтарды сатып алуға арналған инвестициялық салымдар кезінде 25%  субсидиялау қолданылады, оның ішінде 2022 жылғы маусымда енгізілген: жем-шөп өндіру, тоған шаруашылығы, балық өңдеу кәсіпорны, бағалы балық түрлеріне жем сатып алу кезіндегі шығыстардың 30% субсидиялау, сондай-ақ 50% дейін субсидиялау:балық өсіру-биологиялық негіздемелер, балық отырғызу материалын сатып алу, дәрілік препараттар, балық басын толтыратын аналық  балық үйірін сатып алуға жұмсалатын шығындар үшін. 

Жұмыс сапары барысында Тобыл-Торғай облысаралық бассейндік балық шаруашылығы инспекциясымен жиналыс өткіздім. Балық шаруашылығын дамыту тұрғысында қабылданған шараларамен тұрғындарды тұрақты ақпараттандыру және саланы әрі қарай дамыту үшін ұсыныстарын тыңдап, қабылдауды тапсырдым. Сонымен қатар, сыбайлас жемқорлықтың көрністерінің алдын алу бойынша жұмыс жүргізу қажет екенін айттым.

Бұдан басқа, Қостанай қаласындағы «Каратомар балық питомнигі» және «Қостанай бекіре»  балық өсіру шаруашылықтарымен таныстым.

• 30.11.2022
• 309