Нұрлан Ноғаев инвестиция тарту жөніндегі үйлестіру кеңесінің отырысын өткізді

1 желтоқсанда аймақ басшысының міндетін атқарушы Нұрлан Ноғаевтың төрағалығымен Маңғыстау облысына инвестиция тарту жөніндегі өңірлік үйлестіру кеңесінің кезекті отырысы өтті, деп хабарлайды Маңғыстау облысы әкімінің баспасөз қызметі.

 Кездесуде 4 инвестициялық жоба ұсынылды: Ақтауда жекеменшік мектептер мен балабақша салу, наубайхана құрылысы, сондай-ақ балық кластерін дамыту жобасы мен туризм саласы бойынша. 
 
 Жиын барысында шараға қатысушылар аталған жобаларды жүзеге асыру әлеуеттерін қарастырып, талқылап, жобаларды одан әрі тиімді жүзеге асыру бойынша ұсыныстарын білдірді.

Аталған кеңес өңір экономикасының тұрақты және тиімді дамуы және елдің бәсекеге қабілеттілік деңгейін арттыру бойынша ұсыныстар әзірлеу мақсатында құрылған.  Бұл жобаларды жүзеге асыру өңірге инвестиция тартуды, жаңа жұмыс орындарын ашуды қамтамасыз етіп, шағын және орта бизнестің  дамуына ықпал  етпек. 

 Отырыс қорытындысы бойынша жауапты мемлекеттік органдарға тиісті тапсырмалар берілді.

• 02.12.2022
• 299