Қасымбек Ж. М.

Астана қаласының әкімі

Жеңіс Махмұдұлы Қасымбек 1975 жылы Жамбыл облысында дүниеге келді. Қазақ мемлекеттік сәулет-құрылыс академиясын «сәулетші-дизайнер» мамандығы, ал 2001 жылы Л.Н. Гумилёв атындағы Еуразия мемлекеттік университетін «мемлекеттік және жергілікті басқару» мамандығы бойынша аяқтады.
Еңбек жолын 1997 жылы ҚазБСҚА-да тағылымгер-зерттеуші болып бастады. 1998-2000 жылдары ҚР монополияға қарсы саясат жөніндегі комитетінің бөлімін басқарды. ҚР ККМ Су көлігі департаментінің директоры болып жұмыс істеді. 2004 жылдан 2005 жылға дейін «Ақтау халықаралық теңіз сауда порты» РМК директоры болды.
2005 жылғы қарашада оны Көлік және коммуникация вице-министрі етіп тағайындалды. Кейін Көлік және коммуникация министрлігінің Жауапты хатшысы болды. Кейінірек Көлік және коммуникация министрі қызметін атқарды.
Бұдан кейін Инвестициялар және даму министрі, Индустрия және инфрақұрылымдық даму министрі болып жұмыс істеді.
2019 жылдың 25 ақпанынан қыркүйекке дейін Премьер-Министрдің орынбасары.
2019 жылғы қыркүйектен 2022 жылғы 8 желтоқсанға дейін – Қарағанды облысының әкімі.
2022 жылғы 8 желтоқсаннан – Астана қаласының әкімі болып тағайындалды.