Сұлтанов Б.Т.

ҚР Сауда және интеграция министрі

Қазақ ұлттық техникалық университеті және Қазақ мемлекеттік басқару академиясының түлегі. Мамандығы «экономист». Статистика агенттігінің төрағасы, экономика және бюджеттік жоспарлау министрі, Қаржы министрі лауазымдарын атқарған. Қазақстан Республикасы Президентінің көмекшісі, Қазақстан Республикасы Президенті Әкімшілігі Басшысының орынбасары болып жұмыс істеді.

Қазақ, орыс, ағылшын тілдерін меңгерген.

Еңбек жолын 1994 жылы Қазақстан Республикасы Қаржы министрлігінде Қаржы нарығы бағалы қағаздар басқармасының акционерлеу және лицензиялау бөлімінің жетекші экономисті болып бастаған.

1995 жылдан бастап бөлім бастығы, одан кейін басқарма бастығының орынбасары (1996), Бюджет департаменті директорының орынбасары (1997), Мемлекеттік сатып алу департаментінің директоры (1998), Қазынашылық департаменті директорының орынбасары (1999), Бюджет департаменті директорының орынбасары (2001), Қазақстан Республикасы Қаржы министрлігінің Мемлекеттік бюджет департаментінің директоры (2002) болып тағайындалды.

2002 жылдың қыркүйегінен бастап 2003 жылдың маусымына дейін - Қазақстан Республикасы Экономика және бюджеттік жоспарлау министрлігі Бюджеттік саясат және жоспарлау департаментінің директоры.

2003 жылдың маусымынан бастап 2006 жылдың ақпанына дейін - Қазақстан Республикасының Экономика және бюджеттік жоспарлау вице-министрі.

2006 жылдың ақпанынан бастап 2007 жылдың қаңтарына дейін - Қазақстан Республикасы Статистика агенттігінің төрағасы.

2007 жылдың қаңтарынан бастап 2007 жылдың 10 тамызына дейін - Қазақстан Республикасының Қаржы вице-министрі.

2007 жылдың 10 тамызынан бастап - Қазақстан Республикасының Экономика және бюджеттік жоспарлау министрі.

2010 жылдың 13 наурызында Президенттің Жарлығымен Қазақстан Республикасы Президентінің көмекшісі болып тағайындалды.

2012 жылдың 21 қаңтарынан бастап 2013 жылдың 6 қарашасына дейін - Қазақстан Республикасы Президенті Әкімшілігі Басшысының орынбасары.

2013 жылдың 6 қарашасынан бастап 2018 жылдың 11 қыркүйегіне дейін - Қазақстан Республикасы Премьер-Министрінің орынбасары - Қазақстан Республикасының Қаржы министрі.

2018 жылдың 11 қыркүйегінен бастап 2019 жылдың 13 маусымына дейін - Астана қаласының әкімі (қазіргі Нұр-Сұлтан қ.).

2019 жылғы 17 маусымнан бастап - Қазақстан Республикасының Сауда және интеграция министрі.