Қадірменді достар!

Мен 2024 жылғы ақпаннан бастап Қазақстанның негізгі қаржылық даму институты «Бәйтерек» ұлттық басқарушы холдингін басқарамын.

Холдинг 2013 жылы ҚР Президентінің Жарлығымен құрылған және тікелей еліміздің Үкіметіне бағынады. Ол даму институттары мен қаржы ұйымдарын тиімді басқару, экономиканы әртараптандыру, инновацияларды қолдау, экспортты дамыту, еңбек өнімділігін арттыру арқылы Қазақстан экономикасының орнықты дамуына жәрдемдесу үшін құрылған.

«Бәйтерек» ҰБХ» АҚ-ның миссиясы қоғам алдындағы жауапкершілік қағидаттарында бәсекеге қабілетті бизнесті дамыту, тұрғын үймен қамтамасыз ету және азық-түлік қауіпсіздігін нығайту болып табылады.. «Бәйтерек» ҰБХ» АҚ-ның пайымы – Жаңа салалық «өсу нүктелерін» дамыту арқылы Қазақстан экономикасының құрылымын сапалы түрлендіретін проактивті басқарушы Холдинг.

Мен басқаратын Холдинг құрамында мынадай еншілес ұйымдар бар:

Ірі кәсіпорындарды қолдай отырып, «Қазақстан Даму Банкі АҚ, «Қазақстанның экспорттық-кредиттік агенттігі» АҚ, «Qazaqstan Investment Corporation»АҚ борыштық және үлестік қаржыландыру, экспорттық операцияларды сақтандыру, лизингтік қаржыландыру сияқты қолдау құралдарын ұсынады және тұтастай алғанда шикізаттық емес экспорттаушыларға қолдау көрсетеді.

Микро, шағын және орта бизнес үшін – «Даму» кәсіпкерлікті дамыту қоры» АҚ кәсіпорындарға қолдаудың үш құралын ұсынады – сыйақы мөлшерлемесін субсидиялау, кредиттерге кепілдік беру және қаражатты екінші деңгейдегі банктерде шартты түрде орналастыру.

«Отбасы банк» тұрғын үй құрылыс жинақ банкі» АҚ («Отбасы банк» АҚ) және «Қазақстан Тұрғын Үй Компаниясы» АҚ тұрғын үйді жалға беру, ипотекалық несиелеу және банктер арқылы жеңілдетілген қаржыландыру.

«Аграрлық несие корпорациясы» АҚ ауылдағы ірі, орта және шағын кәсіпкерлікті қаржылай қолдау арқылы елдің агроөнеркәсіптік кешенінің (АӨК) тұрақты дамуына және техникалық жарақтандырылуына жәрдемдеседі.

«Bereke Bank» АҚ – бөлшек клиенттердің және нарықтағы шағын, орта ойыншылардан бастап ірі ойыншыларға дейінгі корпоративтік бизнес сегменттерінің қажеттіліктерін қанағаттандыратын бірегей қаржы институты.

Біз өз жұмысымызда ашықтық және айқындық принциптерін ұстанамыз. Мен еліміздің әрбір азаматының «Бәйтерек» холдингінің қызметіне қатысты сұрақтарына жауап беруге дайынмын.

Сіздерден сұрақтар мен ұтымды ұсыныстар күтемін!