Құрметті Ядролық физика институтының қонақтары!

 

Қазақстан Республикасы Энергетика министрлігінің «Ядролық физика институты» РМК парақшасына қош келдіңіз!

Елбасының «Қазақстанның үшінші жаңғыруы: жаһандық бәсекеге қабілеттілік» атты Қазақстан халқына жолдауында Тұңғыш Президент елдің жаһандық бәсекеге қабілеттілігін қамтамасыз ететін экономикалық өсімнің жаңа моделін құру міндетін қойды. Бірінші басымдық – экономиканың жеделдетілген технологиялық жаңғыртылуы болып табылады, оның аясында индустрияның жаңа бағыттарын дамыту қажет болады, ол үшін атап айтқанда, ядролық және радиациялық технологиялар саласында ғылыми және инновациялық әлеуетті дамыту қажет.

Атом саласының ғылыми-техникалық және кадрлық әлеуетінің едәуір бөлігі Ядролық физика институты сияқты ғылыми-зерттеу орталықтарында шоғырланған.

Осыдан 60 жыл бұрын құрылған Ядролық физика институты ядролық және радиациялық физика, ядролық реакторлар және зарядталған бөлшектер үдеткіші физикасы, қатты дене физикасы, радиациялық материалтану, радиоэкология, радиохимия, радиофармацевтика, сондай-ақ ядролық және радиациялық технологияларды әзірлеу саласында ғылыми зерттеулер жүргізу бойынша еліміздің басты ұйымы болып табылады. Бүгінгі күні ЯФИ шетелдерде кеңінен танымал бола отырып, әлемдік деңгейдегі көптеген ғылыми орталықтармен халықаралық байланыстар орнатқан.

Қазақстандық ғалымдардың атом энергиясын бейбіт мақсатта пайдалану саласындағы көп жылдық табысты қызметі Қазақстанның ядролық қауіпсіздіктің жаңа қағидаттарын жүзеге асыруға және ядролық қарудан еркін әлемді құруға бағытталған жаһандық бастамалары мен күш-жігерін қолдап отыруға мүмкіндік береді.

Парақшамыздың барлық қонақтарына табысты да тартымды жұмыс пен үлкен шығармашылық табыс тілеймін!