Құрметті «Ашық диалог» алаңының қатысушылары!

Жеке блогыма қош келдіңіз!

Мұнда Сіз «QazIndustry» казақстандық индустрия және экспорт орталығының қызметі бойынша көкейіңізде жүрген сұрақтарыңызды қойып, ұсыныстар қалдырып, пікір білдіре аласыз.

Біздің компания өнеркәсіптік кәсіпорындарға барлық кезеңдерде – технологиялық шешімдер мен өндірістің жаңа желілерінен бастап, сертификаттауға, экспортқа және сандық технологияларды енгізуге дейін көмек көрсететін бірыңғай үйлестіруші болып табылады. Біздің қызметіміз қазақстандық өндірушілерге мемлекеттік қолдаудың өтеусіз қаржылық шараларын ұсынуға бағытталған.

«QazIndustry» сондай-ақ елдің индустриялық-инновациялық даму процесіне – Қазақстан экономикасының өнеркәсібі мен сабақтас салаларын дамытудың орталығы ретінде сараптамалық-талдамалық қызметті күшейтуге белсенді қатысуда. Сондай-ақ Қазақстан Республикасының арнайы экономикалық және индустриялық аймақтарын дамыту жұмыстарын үйлестіреді.

Осы тұғырнама арқылы біз тиімді байланыс орнатып, мәселелерді  шұғыл шеше алатынымызға сенімдімін. Бұл өз кезегінде «QazIndustry» жұмысын жаңғыртуға және жаңа деңгейге шығуға мүмкіндік берері сөзсіз.

 

Құрметпен,

«QazIndustry» қазақстандық индустрия және

экспорт орталығы» АҚ

Басқарма төрағасы

Берік Бекенов