Жауаптар

Құрметті, Ахдильда Кипшакбаев Жолданған хат пен ондағы сұрақтармен мұқият танысып шықтым және келесіні хабарлаймын. Алдын ала айтып өтейін, ҚР Үкіметінің 2006 жылғы 23 желтоқсандағы № 1247 қаулысымен бекітілген «ҚазАгро» ұлттық басқарушы холдингі» акционерлік қоғамы қызметінің негізгі қағидаттары туралы Меморандумға сәйкес, Холдингтің еншілес акционерлік қоғамдардың қызметіне акционер функцияларын жүзеге асыру және қоғамдардың тиісті Директорлар кеңестерінде өкілдік ету арқылы корпоративтік басқару шеңберімен шектеледі. Бұл ретте заңнамаға және Қоғамның жарғысына сәйкес оның жоғары органының (Холдинг тұлғасындағы Жалғыз акционердің) және басқару органының (Қоғамның Директорлар кеңесінің) құзыретіне шағымда жазылған мәселе бойынша шешімдер қабылдау жатпайды. 2019 жылғы қыркүйекте «ҚазАгро» ұлттық басқарушы холдингі» АҚ-ның еншілес компаниясы (бұдан әрі - Холдинг) «ҚазАгроҚаржы» АҚ (бұдан әрі - Қоғам) Сіздің 615p іріктегіші мен бір бірлік ауыл шаруашылығы техникасы – күріш жинайтын S710 комбайнын алуға өтініміңізді мақұлдады. Қаржыландыру шарттары бойынша Сізге 59,6 млн.теңге мөлшерінде аванс төлеу керек. Алайда, Сіз аванстық төлемнің 48,5 млн.теңге сомасындағы бір бөлігін ғана төледіңіз. Кейіннен, Қоғам Сіздің өтінішіңіздің негізінде аванстық төлемді енгізу мерзімін ағымдағы жылдың 1 наурызына дейін ұзартқан. Сонымен қатар, алдын-ала төлемнің қалдығын Сіз төлемегенсіз. Қоғамның уәкілетті органы шешімінің заңдылығы мерзімінің аяқталуын ескере отырып, қазіргі уақытта қаржы лизингі шартын жасасу және аванстық төлем қалдығын енгізу мүмкін емес болып табылады. Осыған байланысты, Қоғам төлемнің енгізілген бөлігін қайтаруды жүзеге асыру үшін бірнеше рет деректемелерді сұраған. Жоғарыда айтылғандардың негізінде, Холдинг Сізге «ҚазАгроҚаржы» АҚ Қызылорда облысы бойынша филиалына Қоғамның талаптарына сәйкес қаржы лизингі нысанында инвестициялар алуға арналған өтінішпен және құжаттар пакетімен қайта хабарласуды ұсынады. Өтініш пен құжаттар электронды (сканерленген) түрде филиалдың электрондық поштасына zh.myrzakhmetova@kaf.kz жіберуге болады. Сондай-ақ, жобаны қаржыландыру «ҚазАгроҚаржы» АҚ уәкілетті органы тиісті оң шешім қабылдаған жағдайда мүмкін болатынын жеткіземін. Кәсібіңіз берекелі болуына тілектеспін.